JAM GJYSMA . . .
( burrave )
Të më duash , sepse jam Grua !
Ekzistoj në të gjitha dëshirat e tua .
Endrra jote merr fryme në mua .
Jam qëllimi yt , shkaku i të mirave dhe ideja .
Kam qene brenda teje , ajo ecejakja e një femre ,
ekzistuar që në rininë tënde të hershme .
Çmënduria e parë , liria zinxhirëzgjidhur .
Ajo puçrra e vogël në ballë , zeri i ngjirur .
Loti i parë për një mallë . . .
Dashuria e parë !
Drithërima e parandjenjës ,
dhëmbi i tenjës dhe shkrepëtima .
Pasiguria e njomë , e qeshura me vehten ,
burrërimi qe nuk mund të të ndodhte pa mua .
Jam streha , të të mbroj nga të shumtët . . .
dhe nga e keqja .
Zgjatja e duarve të shpirtit ,
qe te afron tek une dhe tek vetja . . .
Jam vazhdimi yt , tek femija .
Kujdesi , vetmohimi , pagjumësia .
Jam Gruaja !
Përfytyrimi , që me gishtat e erës ,
të zbertheu kopsën e këmishës .
Ngrohtësia , që të ngjethi trupin ,vec me supin ,
dhe xixa që ta ndezi syrin .
Duamë edhe ti .
Siç do karafili brymën , mali dëborën ,
Nata hënën , qëndisma zëmrën .
Jam cikëbuza e gjethes ,
që të bën në çdo moshë të gjethosh ,
si ai bisku i gjelbërt në kërcitje ,
pas veshit e ëmbla pëshpëritje .
Jam përpëlitja e fluturës ,
në drithërimën tënde të buzës .
Krijuar për ty , e domosdoshmja ,
jo ne ndjenjen tende , një lypës . . .
Më duaj!
Pa më fyer , pa më lënduar ,
Bëj durim për një veprim timin të gabuar ,
më bëj një vend tek vetja , duke më këshilluar .
Unë jam vesë . Kam sedër dhe dinjitet .
Këto te dyja mi respekto , mi mbro ,
që dhe të tuat të di ti mbroj ,
të mundem edhe të të besoj .
Të më duash pra , jo vetëm se jam Grua ,
Por dhe se je gjysem , pa mua .
Ah mbiemri , here peshe e here kosto ,
e here i fatit gusto !
Jeta , ta dish eshte dinake .
Ajo luan me njerëzit , dhe për njerzit SHFAQE !
E UNE , nuk dua asaj ti bëhem Lojë .
Unë i dashur , dua të vdes Zonjë !
(Athens , 2012 )
Comments