Isuf Grajçevci: 28 NËNTORI- NËNTORI I PAVARËSISË
- Prof Dr Fatmir Terziu
- 3 days ago
- 1 min read
Isuf Grajçevci
28 NËNTORI- NËNTORI I
PAVARËSISË
Më 28 Nëntor
Kënga përmallshëm jehon
e vallja hedh shtat
në bulevarde,sheshe
gjithandej me buzëqeshje.
Më 28 Nëntor
Loti puth lotin
e dora zgjatet kah TI
o Nënëmadhe
ku flamuri valon
e liqeni i jetës
lotin për Ty se shteron.
Më 28 Nëntor
Malli djeg
kujtimet flasin tok
për ngjyrat kuq e zi
e ëndrra për bashkim
natyrshëm hapëron.
Më 28 Nëntor
Ethshëm tingëllon
zë i Malos në Vlorë
ku Shqipërisë i vuri Kurorë
Kurorën e Mvetësisë
që i dha jetë njerëzisë.
Më 28 Nëntor
Krismat e Avniut
kushtrim brezash për atdhe
të flenë të lirë si zogjtë n’fole
Hasan Prishtina me bacën Isë
për flamurin kuq e zi
n’ ballë t’ furtunës n’ borë e shi.
Më 28 Nëntor
Hapen plagë zemre
në mua, në Ty, në Ju
për vëllanë e pagjetur
e motrën e dhunuar
për nënën me shpresë të vrarë
për nipat e mbesat pa baballarë.
Më 28 Nëntor
Komandanti Legjendar flet
nën këtë flamur luftova
se më zinin frymën barbarë
Çakej e korba
për çdo cep të Dardanisë
jehuan pushkët e lirisë
ndaj sot mos m’luaj kufirin
se nga varri ngrihem
e të godas n’ dritë syri.
Më 28 Nëntor
Luani e Shkëlzeni
bri kufiri bëjnë roje
askush mos lëviz cep guri
nga toka jonë Arbërore.
Më 28 Nëntor
Nga Prishtina porositë Zahiri
mos ma ndajë qepallën nga syri
mjaft në copa na kanë ndarë
le ta di sot bota mbarë
padrejtësi s’ka për shqiptarë.
Comments