FASLLI HALITI
PROLOG
Myzeqe moj fushë
Myzeqe
Moj fushë
Ti ishe hambari ynë
Hambari ynë me miser të bardhë sermë
Ti ishe hambari ynë me grurë flori,
Me misër të verdhë …!
***
1.
Fushë
Fusha ime
Motra ime fushë
Bari yt a është i blertë më,
Apo është zverdhur, apo u tha ?
Po
Gruri?
Shushurin,
Valëzon fushave,
Siç valëzonte dikur;
A i nxijnë musteqet si dje ?
Apo do kemi zi buke përsëri,
A do të kemi prapë
Karesti ?
2.
Po
Misri ?
A hedh shtat
Apo kërruset i fishkur në shi e në vapë?
Si, si,
Si ?,
Misri yt
Sapo mbin
I thahen, i fishken gjethet,
S’ arrin dot ai të çojë kallinë?
Po kjo është karesti biblike, moj motraime fushë,
Fusha myzeqare që dikur harbonte në drithra!
Ky është trishtim biblik moj fushë
Të mos arrijë të çojë misri yt qoftë një kalli,
Qoftë një copë bukë?
Të mos sigurojë bukë të verdhë, të bardhë
Ky është trishtim më tej se trihtim…!
Kjo është karesti mbi çdo karesti,
Karesti e zezë
Biblike,
Si kështu,
Moj fushë,
Të mbjellësh,
E të mos bluash
Qoftë edhe një dorë miser për një kile bukë!
3.
Po
Pambuku?
Bën vezë boçesh
Boçet e bardha a çelin zogj?
Si,
Si?
Edhe pambuku
Nuk çon boçe bufka,
Boçet nuk
Çelin fije të bardha,
Qoftë edhe një boçe fushave nuk zbardh
Sa për t’i mbyllur buzën të vdekurve,
Kur e nisim me rite për në Had?
4.
Po
Po shalqiri
Bostani,
Pjepri,
Shinjet, piqet i shëndetshëm, shpejt,
E shisni, bëni biznes me të, apo e hani vetë?
Si, si, si?
Edhe
Pjepri,
Dhe shalqiri
Me t’u shinjur,
Me t’u pjekur pak,
Me t’u zverdhur pak ,
Kërkojnë shoping, treg special
Nëpër
Evropë,
Me t’u vjelur, me t’u këputur,
Kërkojnë emigracion ekonomik, nëpër botë
Por
Ajme!
S'i pranojnë
Sikur pjepri,
Shalqiri,
Pjeshka, qershija,
Fragula, rrushi, portokalli
Të jenë bomba artizanale, sigurisht,
Sikur të mos jenë me fara, bërthama,
Por me tritol, me dinamit, terroristë, kamikazistë?!
5.
Po konvertimi yt në shretëtirë moj fushë,
Konvertimi yt nga një lëndinë,
Në një shkretëtirë
Pa asnjë lule,
Pa një pa një fije trendelinë?
Ka vite
Që jam bërë Saharë ;
Saharë, Saharë, Saharë…,
S’të sheh syri një fije blerim
S’të sheh syri asnjë tufë me bar?!
***
Ç’konvertim hata!
Sahara u onvertua
Në lëndinë
Sahara
U konvertua
Nga saharë në blerim,
S’të zë syri një copë shkretirë,
S’të zë syri një kokrrizë rëre, për kujtim…
6.
Po
Bimët industriale,
Në vitet pesëdhjetë:
Pambuku,
Lulja e dielli,t
Kërpi,
Recina,
Suzami,
Ku janë pra,
S’ preferohen
Nuk mbillen më?
Si kështu, si në vitet ’50,ato nuk tërbohen?
Evropa, Amerika
Na i sjellin,
S’ka
Pse
T’i mbjellim...!
S’ka pse t’i kultivojmë sot, si dje.
7.
Në male, lugina
Hashashi,
Kanabis i,
Po harbonë kudo sot,
Shohim të rriten, të blerojnë,
Po kush i mbjell, kush i rrit nuk’e shohim dot?
Kanabisi
Hashashshi,
Nga intensivë,
Po bëhen ekstensivë
S’përmbahen më,
Të dy tërbojnë, krekosen, harbojnë
Si dy pushtues të blertë,
Fushat
Kodrat, luginat, sundojnë…!
EPILOG
Propozimi im:
Të shtohen policët
Të shtohen rojat civile,
Sepse jo vetëm demat, mëzatët,
Mëshqerrat,
Deshët,
Delet, dhitë,
Do të dehen,
Po do tërbohen
Edhe politikanët,
Pushtetarët do të drogohen
Me kanabis dhe me një pseudopolitikë
Vendi do të mbulohet me dema, horra narkotikë …!
Korrik, 2017
