Ilmi Dervishi: SINORET

Ilmi Dervishi

SINORET

Vështrimi yt më thotë diçka,

E kuptoj. Vetes i jap durim.

Mike më të mirë se ti nuk ka,

Hesht se s’kam guxim.

E kuptove? Të thashë një sekret,

Askush tjetër nuk e di,

Se ty të kam dashur vërtet,

Më shumë se një dashuri...

I kuptoj ndjenjat me dhe pa dashuri,

Secili me sinoret e veta në jetë,

Është hyjnore dhe një miqësi,

Kur është dhe mbetet e sinqertë.

DIKUR

E bukur lulja sipas syrit,

Syri im të shikon vetëm ty,

Unë jam nga "Qyteti i blirit",

Ti detin  e mban në sy...

Te Pista, në rërën e lagur,

Vala shtyn valën te këmbët tona,

Mendonim s’kemi me u plakur,

E askush s’hyn në dashuritë tona.

Po ja, s’jemi bashkë në pleqëri,

Ti te deti kërkoni gjurmët e mia,

Dhe te unë, po, gjithsesi,

Në hone shpirti flen dashuria.

TRANDAFILI

Ka ca gjëra që nuk tregohen,

Dhe nga ata që s’thuhen me fjalë...

Çastet e lumtura kur ndjehen,

Ndodh të bëhen si trëndafil në valë.

Në uji i nxehtë trëndafili s’ka ngjyra,

Aroma shpërndahet, e degdisi era,

Pa shikoje, a e njeh nga fytyra?

Vet trëndafili kalbet nga brenda.

ÇAST

Kur mendoj se jam pa ty,

Atë çast e tremb veten...

Si ta qetësoj nuk e di...

Si të më vijë, jetoj jetën.

Brenda shpirtit diçka digjet,

Sa më shumë shtohen vitet,

Dritë e flakës ndriçon shtigjet,

Po tymi i zi diku dhe mbetet.

Lulet si pak herët i këputa,

Ndoshta dhe pa u pjekur...

Kam njohur vajza e gra të bukura,

Po prej tyre dhe jam djegur...

Ç të bëj?  Herë-herë me vete,

Gjithë secilit i kërkoi ndjesë,

Dashuria matet me oqean e dete,

Po dhe dallga të bëhet pjesë...