Ilir Bobo: POETI MAGJISTAR

Ilir Bobo

POETI MAGJISTAR

(Mihal Gjergjit)

I qepem prapa një poeti,

Një mikut të babait tim;

E lus të më rrëfejë sekretin,

E gjuhës shqipe, shkrim e këndim!

Orfeu do ia kish zilinë,

Në rrokje, muzikalitetin;

Se dhimbja e lartëson njerinë,

Kthen filozof edhe poetin!

Thonë, ka mësuar magjinë e fjalës,

(Nga Kryeëngjëlli, Mikael);

Godet me tingujt e baladës,

"Dragonjtë e Hadit, qentë cerberë!"

Shtatshkurtër, balli i tij, me brazda,

Këndon lirikën e poetit;

Totalitarët kthen në kërma,

Dhe sot, me "heshtën e Shën Gjergjit!"

Fier, Janar 2024