Hasan M. Shahinaj: Dhimbje krenare ...

         -  Në vend të epitafit - elegjiak -

E enjte, 30 prill 2026,

kohë me shi të lehtë vajtimtar

për ty, moj Vivra,

o talent i rrallë !

Oh, të puthsha zemrën e nxehtë

me të ndriturin tënd ballë !

U shua shkrimtarja "Nderi i Kombit",

e përcollën me furtunën e lotëve;

na la emrin e pamort Vivra,

me thesarin prej 60 libra !

Jo, jo... nuk u shua shpirti i Saj;

ai u ngrit nga hiri pastaj

porsi Sfinksi e si Feniksi

për t'i dëshmuar botës shqiptare

se çfarë sfidante ka qenë,

është e mbetet Shqiponja Labe,

Vilhelme Vranare !

Sot edhe natyra bleroshe po qan

e vajton me kuje për ty, Vilhelme,

se ti ke qenë e mbetesh

mbretëresha shëronjëse melheme !

Sepse u vure balsam plagëve

të pambyllura të mortjes luftë klasore;

sepse ty të nderon çdo shqiptar/e;

me mall e zemër edhe çobani në Kasolle !

Nuk shuhet dot zëri yt Vivra,

por merr jehonën Viva,

(Rrofsh e qofsh e mbretërofsh përjetë,

zemrash tona me Fjalën e Lirë)

në buzën tënde lulkuqe zëmire,

se ti shkrove thesare diturore ;

ndaj shpirti yt merr trajta flurore

duke na mesazhuar dorë për dore

porsi korifejtë Krisht e Muhamed :

O njerëz, ju dua, jini vigjilentë,

dhe mblidhni shpirt e mend !

Ndiej dhimbje, dhimbje pafund e anë,

edhe unë poeti i vonuar Hasan

dhe më burojnë në zemër e buzë

pasazhet e mia kaq pranë :

"Dhe nëse vdes, le të vdes në prill e maj;

mbulomëni me gjethe e lulnajë

dhe shihni e prisni po s'u ngjalla paskëtaj !"

Ja, ky është epitafi im për ty,

o motërza e zemrës së plagosur Vilhelme.

Vepra jote meritore është melheme

për këdo e kudo, zemëro,

nëse i thua vetes "rro, o grua e burrëro !"

Dhe tash, lamtumirë, lamtumirë,

O Labja trime kaq e dëlirë

e paç dheun të lehtë, të mirë

duke sfiduar krejt Kalvarin

farmak, flamë e të vështirë

të ish-diktaturës fëlliqësirë

që të privoi talentin e rrallë !

Por ti e demaskove regjimin e zi

atë satrap, fasadë e përrallë

me të 60 veprat e tua Hallall;

ndaj pusho e qetë tani,

se ke një jetë pa fjetur në sy

për t'na ringritur emrin Njeri !

Oh, të puthsha zemrën - flakë e qiri

me të ndriturin ballë e sy,

O moj Vivra - Viva talent - peri !

U përpoqa të vargëzoj edhe unë

për meteorin-letrar të pashuar kurrë

që ngryset e gdhihet veçse në punë !...

Durrës, më 30.04.2026