Harta e ndjesive te mia
May 28, 2020
1 min read
Harta e ndjesive te mia Nga gjurmët që le mbi vitet e mia krijova hartën e dashurisë: Malet e pritjes, i vijëzova në ngjyrë kafe. Pyjet e shpresës, në të blertën e gjethes. Luginat e përqafimit, në të verdhën e pjalmit dhe liqenet e puthjes, me të kaltrën e qiellit... Për kodrat e gjoksit tënd dhe burimet e buzëve të tua, vendosa vishnjën e gjakut tim. Prush. Për ngjyrat e tjera, nuk kisha kohë të mendohesha… As ato për mua . I kisha brënda vetes !
Luan Xhuli Athine
Xing.
Nuk e di nëse do të mund të qëndrojë në këtë tokën tonë me pandemi një poezi e tillë tepër e ndjerë. Veçse, jam I sigurtë që do të ngjitet në galaktikë për t'iu bashkuar si motrave të saj
me Ricosin e shokë. Urime, miku im I mirë!
Xing.
Nje poezi lirike, e ngrohte, e thjeshte, njerezore dhe e besueshme. Poezi
qe te ngelet ne mendje dhe besoj thithet nga lexuesi per tejdukshmerine
dhe brishtesine e saj.
Urime, suksese
Me respekt
Myslim Maska