Harallamb Kota: Shqipëtarët me pushkë e penë për gjuhën shqipe e mëmëdhenë

PJESA I. SHQIPTARËT PELLAZGËT MODERNË

Në shekullin e VIII parakrishtërimit, Homeri historiani i parë i botës antike vargëzoi epopenë e lavdishme pellazgjike të shekullit të XII, me veprën e tij të titulluar ILIADA dhe ODISEU, duke i lënë shoqërisë njerëzore një trashëgimi të vlerë lidhur me Luftën e Trojës dhe imazhin e herojve të asaj lufte, zotave qiellor dhe hyjnorëve tokësor, midis tyre Zeus pellazgu, Priami, Agomemnoni, Menelau, Akili, Hektori, Odisea. Paridi, Helena, Heleni, Enea, etj.

Vargjet homerike u kënduan brez pas brezi nga rapsodët pellazgo-ilir në trojet pellazgjike dhe mbëritën deri në shek VI para krishtit kur Athina u sundua nga Pisistrati. Në vitin 527 p.k. Pisistrati urdhëroi kopjimin e veprave të Homerit dhe ndryshimin e emërave të herojve homerik nga pellazgjik në helen. Akili u quajt Aspetio ndërsa Odhiseu u quajt Ulise.

Në fillim të vitit 455 pk, Athina u sundua nga Perikliu, ndjekësi më i zellshëm i platformës helene themeluar nga Pisistrati. Midis Perikliut, Syrës mbretit të taulantëve dhe Arabeut mbretit të enkelejve e desaretëve, u lidh marrëveshja kundër ushtrisë pushtuese Perse. Aleanca tripalëshe pellazge-ilire e komanduar nga Perikliu shkatëroi flotën perse-egjiptiane të komanduar nga Kserski. Kjo betejë shënoi fundin e shtetit militar të Dinastisë Akamenide. Për pasojë, Kserski deklaroi armëpushimin dhe i tërhoqi ushtritë nga Ylliria Joniane. Paqja e lidhur midis Kserskit dhe Perikliut u duk sikur krijoi kushtet e fillimit të një Epoke të Re të zhvillimeve ekonomike e social-shoqërore në botën e asaj kohe. Mirëpo, me tu larguar ushtria perse nga Hylliria dhe ushtria ilire nga Atika, Perikliu veproi tinëzisht. Hoqi toponimin pellazg Achaia-Arbaria dhe ktheu emërtimin asirian Peleponezi të vendosur nga Pelopsi. Qytet Shteti i Athinës ku dalloheshin dy forca politike, partia demokratike liberale e drejtuar nga Perikliu dhe partia konservatore e drejtuar nga Kimoni, u bë dominus për nga ana e kulturës në raport me qytetet e shumta të gadishullit hyllirik. Perikliu konsiderohej burrë shteti, orator dhe gjeneral ushtarak që kishte drejtuar fuqitë luftarake pellazge kundër ushtrive perse e egjyptiane. Nisur nga origjina e pellazgëve dorian nga i ati dhe e nënës nga dinastia persiane alkmeonide, Perikliu nxiti dijetarët për “ide të reja” mbi gjenezën e arhondëve Athinas. Për realizimin e këtij qëllimi, themeloi klubin e Athinës dhe mbështeti financiarisht formuluesit e teorive antipellazge dhe krijuesit e kulturës helene. Sipas tyre: “Periudha katër shekullore pas luftës së Trojës është periudhë e errët. Gjatë kësaj periudhe, u zhduk Pellazgu dhe u shfaq Heleni, për pasojë u zhduk kultura pellazge dhe lindi kultura Helene”.