FENERI POETIK I BRIGJEVE PEGASIANE
(Poezia e Vladimir Muçës, një fener poetik që ndriçon shpirtin)
Vizionari është ai që mund të gjejë rrugën e tij në dritën e hënës dhe të shohë agimin përpara pjesës tjetër të botës.
Oscar Wilde
Në kohërat moderne, Pegasiania nuk është thjesht një kalë fluturues ose një ngjarje fantastike e rrallë ose e pazakontë. Pegasiania është një element dominant në artet dhe letërsinë e ndryshme përmes historisë.
Poezia e Vladimir Muçës shpesh herë është konsideruar në arte dhe në letersi si një fener që ndriçon errësirën, duke sjellë dritë nëpër emocionet dhe thellësinë e jetës. Ai shpalos një lirikë të ndjeshme dhe të pasur me imazhe poetike që sjellin një ndriçim emocional dhe intelektual për lexuesin. Një nga këto emocione paraqitet edhe në vellimin e tij poetik të quajtur "Pegasiane". Në to shpaloset një gamë e gjerë me mesazhe të cilat të shpien në shtige të pafundme, ku të gjitha kanë një destinacion final. Dritën! Dhe që në vargjet e para hapet një portë e madhe drejt saj:
“Se edhe Virgjili kur u shemb nga dallgët
Rrugën e gjeti nga ky burim i dritës”
Arsyetimin dhe dijen që Virgjili simbolizon, e rikthen sërish në origjinë. Mbi këtë mendim ai rikthen optimizmin se çdo gjë që do të shembet do të rindërtohet vetëm nëpërmjet arsyes, dijes dhe eksperiencës të cilin njeriu e akumulon.
Vladimir Muça është një poet që shquhet për aftësinë e tij të ndricojë shpirtin poetik përmes poezisë së tij. Ai përdor gjuhën poetike dhe imazhet e pasura për të sjellë dritë në thellësinë e ndjenjave dhe përvojave njerëzore. Poezia e tij është një udhëtim emocional që shpesh reflekton mbi çështje thelbesore të jetës, duke i dhënë dritë aspekteve të ndryshme të ekzistencës dhe të qenies.
Me anë të fjaleve të tij, Muça arrin të hedhë dritë mbi temat e përditshme, si dashuria, vuajtjet, ndarjet, dhe shpirtërimi.
Poezia e tij përdor ngjyra të ndryshme për të përshkruar gamën e ndjenjave dhe për të ndriçuar thellësinë e eksperiencave njerëzore.
“Mbështillen njerëzia me ngjyra agimi
Përzënë djajtë në hone pa zgjim
Grindjet e kallura në mure besimi
Sheshohen mëngjeseve në vendin tim”
Lufta e hershme, grindjet dhe djajte sheshohen mengjeseve. Simbolika e mengjesit si rilindje dhe drita e hershme e agimit eshte paqja qe duhet te mbizoteroje.
Mënyra sesi e sheh autori vendin e tij është e pamasë. Ai jep tone të forta kritikës ndaj grindjeve dhe sheh mëngjesin si drita e sheshimit të tyre. Durrësin, qytetin e tij ku jeton ai sheh jo vetëm si qytet vlerash historike por edhe si vendi nga i cili dolën njerëz të kulturuar dhe të ditur.
“Kur Leoniku me majën e penës
E zgjoi dijen nga gjumi i pafund”
Apo siç vijon:
“Përlotet qyteti nga vajtime statujash
Si lot i qiellit në strehë të shtëpisë.”
Sa i madh është ky qytet në raport me historinë e tij aq i vogël dhe i thjeshtë kthehet shëndrohet kur kthehet në një strehë shtëpie.
Dhe ai më pas kalon nga një miniaturë e këndshme drejt mitit në ngritje të atdheut mitologjik:
“Kur dëgjoj për ty atdhe
Varka e Noes nën qepallat e syrit tim
Muzika e Beethovenit mbyt psherëtimat
Ndriçohen horizontet me një vështrim”
Në këtë mënyrë, ai bëhet një fener poetik që shërben për të udhëhequr lexuesin nëpër hapat e ndryshëm të jetës dhe për të shpallur bukurinë në errësirë. Përdorimi i gjuhës së pasur dhe imazheve të forta krijon një atmosferë të veçantë që përmirëson ndjesinë e dritës në mjedisin poetik të tij.
“Në vargje trupëzoj pavdekësi yjesh
Shkrirë statujash me shentëri besimi”
Feneri poetik i Vladimir Muçës është simbol i ndriçimit dhe udhëheqjes në botën e tij poetike.
Me fjalët e tij, ai ndriçon thellësinë e emocioneve dhe mendimeve, duke përdorur lirikë të pasur dhe ngjyra të ndryshme për të shfaqur bukurinë dhe kompleksitetin e jetës. Poezia e tij shpesh shërben si udhëzues dhe frymëzues për lexuesin, duke e çuar atë në një udhëtim të brendshëm dhe shpirtëror. Ky fener pegasian i Muçës përfaqëson aftësinë e tij për të hedhur dritë mbi temat e ndryshme njerëzore, si dashuria, nostalgjia, vuajtjet, dhe shpirtërimi. Përdorimi i imazheve poetike dhe ngjarjeve të përzgjedhura me kujdes krijon një atmosferë të veçantë dhe e bën poezinë e tij të shquhet si një udhëzues që ndihmon në kuptimin e thellë të jetës dhe vetvetes.
Pol Milo
Dyrrah 2023
