Fatmir Terziu: ZGJATIM

KURSIM

Hera-herës

ia shkul gjembat ferrës.

Penë të majëngritura shpuese

(nuk fus duart në kuletën time për para)

Gjembat e ferrave shkruajnë mjaft mirë,

gjuhën e huaj në hava.   

GOTA LËVIZ

Nga Fatmir Terziu

Mbushja po gjunjëzohet,

aty ku,

lëng i ndenjur dhe i freskët përzihen

dhe hedh hijen e një tigri,

ku fundvjeshta ka humbur guximin e saj,

të kthehet limonadë,

e zverdhur,

por e pafaj.

MURET FLASIN

Nga Fatmir Terziu

Buzë(qeshje) të një poze të vjetër nga pas

(si të thuash puthje e heshtur)

muret e Fortinbras

flasin nga poshtë lart

në grepat e ish-thertores,

Hamleti,

ka ende pa luajtur një akt.

ZGJATIM

Një dardhë,

që bie poshtë një dardhe, zverdhet gjer në mëngjes

bishti i saj nga pas është objekt studimi

nga kafeteria.

Trupi i saj i lakuar është objekt studimi

nga koha e shkuar.

Fruti i saj është mbushje e disa fjalorëve,

të pashkruar.