Fatmir Terziu: Urime Leo Neli!

Një nga figurat më të njohura të komunitetit shqiptar në Britani të Madhe, aktivist, familjar model, intelektual dhe biznesmen, Aqif Neli, ka shpërndarë një gëzim të ligjshëm për arritjet e djalit të tij në studimet universitare duke shkruar: „Urime Leo! Dje (data 10 shtator 2025) patëm kënaqësinë të festonim diplomimin e Leos. Diplomë Bachelor i Shkencave në Ekonomi në UCL me Nderime të Klasit të Parë. Nga rezultate të pabesueshme, të gjitha A* (star) në nivelet A, deri te një diplomë e Klasit të Parë nga një nga universitetet më të mira në botë, ju keni vazhduar të tregoni përkushtim dhe punë të palodhur. Jemi jashtëzakonisht krenarë për ju dhe ju urojmë më të mirën në të ardhmen tuaj të ndritur. Ne ju duam dhe shkëlqejmë nga krenaria.“ Kaq mjaftoi dhe gëzimi sublim të shkonte më tej tek miqtë, dashamirësit e fushës akademike, e mjaft të tjerë që i janë përkushtuar komunitetit shqiptar që në ditën e parë, që të gëzojnë dhe urojnë në mënyrë të natyrshme.

Dhe kjo mjaft e bukur, e bukur dhe gëzimplote arritja e Leos, një djalë simpatik dhe me mjaft edukatë, natyrisht talent dhe mjaft i suksesshëm sikurse dihet, dhe kështu edhe kryeradha kur u urojmë fëmijëve lumturi, ndërsa ata e japin dyfish, si në këtë rast, buzëqeshim gjerësisht e jemi krenarë që jemi shqiptarë. Me këtë fjalë të zotit Neli, dhe me këtë rezultat të djalit të tij, po aq dhe gëzimit familjar të ligjshëm, mbetet thelbësore se komunikimi me fëmijët është themeli, e tëra çfarë u duhet është dashuria, dhe pjesa tjetër është dytësore. Por a janë gjërat vërtet kaq të thjeshta? Çfarë mund t'i shtojmë "shkallës" së dashurisë prindërore, si mund ta drejtojmë atë në mënyrë që fëmija i sotëm në dekadat e ardhshme të jetë një person vërtet i lumtur dhe të lëvizë me besim në botën komplekse dhe që ndryshon me shpejtësi? Kur u urojmë fëmijëve lumturi, buzëqeshim gjerësisht. Por ne jemi vetëm kapitali fillestar, platforma nga e cila fëmija fillon të dalë në botë. Dhe që nga ajo kohë, lumturia është rezultat i përpjekjeve dhe aftësive të vetë personit. Askush nuk do t'ia japë në një pjatë, as nuk do ta detyrojë. Të rritësh një person të lumtur, dua të theksoj së pari duhet të dimë se cilat cilësi i dallojnë njerëzit e lumtur dhe të suksesshëm.

Në këtë rast është vetë familja model e zotit Aqif Neli, e shoqja, vajza shembullore, djali i talentuar, përkushtimi dhe shembulli që i japin të gjithëve me këtë e me shumë raste. Natyrisht sot kryefjala është Leo. Leo tashmë ka kaluar pragun e provës në një Universitet si UCL (University College London) që është një universitet publik kërkimor në Londër, Angli. Është një institucion anëtar i Universitetit federal të Londrës dhe është universiteti i dytë më i madh në Mbretërinë e Bashkuar për nga numri i përgjithshëm i studentëve dhe më i madhi për nga numri i studentëve pasuniversitarë dhe saktë është themeluar në vitin 1826 në zemër të Londrës, dhe është universiteti kryesor multidisiplinar i Londrës, me më shumë se 18,000 punonjës të fushës akademike, drejtues e të tjerë, dhe me 51,000 studentë nga mbi 150 vende të ndryshme.

Nga kjo e fundit të gjendesh në majë të rezultateve të tij, sikurse ndodh me arritjet e Diplomës së Leos, natyrisht gëzimi është sublim dhe madje i shumëfishtë. Kjo e përafron me respektin dhe me preambulën që i mirëkupton njerëzit e lumtur. Nëse vëzhgojmë njerëzit e lumtur, do të vërejmë se të gjithë kanë një grup të ngjashëm zakonesh shoqërore që përmirësojnë cilësinë e jetës së tyre, si dhe jetën e atyre përreth tyre. Njerëzit e lumtur i tërheqin të tjerët drejt vetes, ata e dinë se çdo person, pavarësisht se kush është, përfaqëson një mundësi. Sa më i gjerë të jetë mjedisi, aq më të pasura janë mundësitë. Një qëndrim i kujdesshëm ndaj ndjenjave të tyre i bën ata të vëmendshëm ndaj ndjenjave të të tjerëve. Nga të gjitha cilësitë që na japin lumturi, në radhë të parë do të vendosja empatinë - aftësinë për të empatizuar me tjetrin, dhe kjo ndodh jo thjesht me këtë rast, por me këtë familje të nderuar të komunitetit tonë në Mbretëri të Bashkuar.

Njerëzit e lumtur, natyrshëm edhe ata mësojnë vazhdimisht diçka. Është sikur po kapin atë që nuk arritën të mësonin në shkollë. A mendoni se ëndrra e të gjithëve është: të kalojnë provimet një herë dhe të fillojnë të jetojnë? Asgjë e tillë, këta njerëz, sikurse pinjolli i kësaj familjeje, Leo Neli, tashmë janë të bindur se gjërat më interesante nuk mësohen fare ndërsa je në shkollë. Gjëja më interesante është ajo që ende dihet pak. Njerëzit e lumtur janë jashtëzakonisht kuriozë. Ata nuk kanë frikë të bëjnë pyetje, sepse nuk presin asgjë të keqe nga bota. Optimizmi është një tjetër cilësi që ia ndriçon jetën një personi të lumtur. Edhe nëse nuk qesh me të madhe, në situata të vështira sillet si një "suvë e dredhur". Nuk është në stilin e tij të durojë fatkeqësitë. Nëse përfshihet në një skandal, ai e di që në çdo rast do të shpëtojë, dikush do t'i vijë gjithmonë në ndihmë! Ai nuk thotë se jeta është një fatkeqësi, por vetëm armiqtë fshihen përreth. Sipas një personi të lumtur, të gjithë njerëzit duan lumturi dhe ky është çelësi i optimizmit të tij.

Njerëzit vërtet të lumtur nuk i shfaqin emocionet e tyre, ata janë të zhytur në qëllimet e tyre, gjë që e shikojmë gjithnjë tek kjo arsye, edhe tek një kafe e thjeshtë me Aqif Nelin. Prandaj lumturia është karburanti i brendshëm që i lejon ata të kapërcejnë pengesat. Lumturia e arritjeve të përbashkëta, kur rezultati i kënaq të gjithë - kjo është ajo për të cilën ata përpiqen. Një person i lumtur si Leo Neli, apo dhe pjesëtar i familjes së tij, është një person i kërkuar dhe i vlerësuar shumë. Vendi i tij është në vijën e parë.

Urime Leo Neli!