Fatmir Terziu: Një bisedë e saponisur me inxhinierin Agron Dauti në Londër

Prof Dr Fatmir Terziu
Apr 18
2 min read

Biseda sapo ka nisur. Një bisedë që shkon përtej sakrificës, durimit, përkushtimit, talentit, dhimbjes, persekuptimit, patriotizmit dhe natyrisht dhe emigrimit. Një bisedë që prek fjalën e ndjeshme, fjalën e thjeshtë e të sinqertë. E në këtë mes ke takuar fëmijën me ëndrra, djaloshin me talent, sqimtar ndaj asaj që bëjnë në një udhë të gjatë me zell, zemër, traditë e talent, Gjyshi, Babai, kushëriri dhe i afërmi, nxënësin me dhjeta, studentin me vlera, inxhinierin e specializuar dhe drejtuesin e përkushtuar. Në midisje ke dhe shumë e shumë gjëra, që presin të zbulohen nga e tëra. E në këtë pikënisje të bisedës sot është një intelektual, biznesmen dhe komunitar i përkushtuar inxhinieri Agron Dauti, që në vendlindje ndryshe e njohin dhe sipas traditës me mbiemrin Elezi.

Kjo e tërë nis me hapat e tij në vendlindjen Golaj, që gëzimi i tij i ardhjes në jetë u dëgjua mes dollish deri në midisjen gjeografike që ndodhet mes Helshanit dhe Krumës. U zgjua në mëngjesin e tij të parë nipi i Rexhë Hasan Dautit (i niohur si Rexh Hasani), patriotit emërmadh, dhe fëmija me entitetin e zgjursisë së paparë, që habiste të gjithë ndjeu bëlbëzimin e tij të radhë, bëlbëzim ky që më pas u pasua me shikimin e ngulitjen në rritje e sipër të punërave kryesore në bujqësi e blegtori e më së shumti në Minierë. Këtu ai shihte të gjithë. I ndiqte dhe piqej thuajse në një aftësi që i dha mundësinë të shkonte e të ulej në bangat e shkollës që në moshën 5 vjeçare e gjysëm.

Shkolla 8 vjeçare „Arif Zeqir Brati“ e pranoi djaloshin që shihej shumë energjetik dhe shumë i avancuar në të folur. Që nga dita e parë në këtë shkollë e në këta banga mësuesit e tij pas emrit të tij mësuan gati instiktivisht të shënonin vetëm dhjeta. E dhjetat e shoqëruan atë deri në mbarim të Teknikumit të Minierave në Kukës, në vitet 1987-91…

Ai sot është Drejtor dhe Themelues i „Albdeco“ një kompani e suksesshme në Britani të Madhe.