Fatmir Terziu: E këqpërdorur

E këqpërdorur

Nga Fatmir Terziu

Mbete e keqja më e keqpërdorur

në të gjithë kohët e zgjedhimit të një sharjeje

s'ka forcë për të të shporrur!

Sa herë që pështyj mbi diçka,

them "Largohu, e keqja më e keqpërdorur!"

dhe mendoj për ty se vjen nga çdo krahë.

Ti je e keqja e keqpërdorur e shekullit,

je gjithmonë një hije që maskohesh me të lyera,

(edhe përtej ligjit, disiplinës, rregullit)

madje ngjizesh edhe pas pjatave të thyera,

si kafshata e fundit e mbetur e popullit.