Faruk Myrtaj: KODI I HESHTJES…

(së Iliriana Sulkuqit në emer të tërë miqve të Saj!)

( Nga heshtja e FJALËS - m’u trishtua nata...dhe iku...)

Iliriana Sulkuqi:

Duke pritur

të flasësh Ti, Zoti im,

dalëngadalë po mësohem të hesht…

Të hesht

kur më ngulet një gjilpërë si kumurisë…

Të hesht kur heshtja më vjen nga Heshtja

dhe më bëhet Kuptim…

Të Hesht

kur digjem si eshkë e fërkuar me mallin,

edhe kur Heshtja

më nxjerr britma mitike prej zëri,

më parë se Fjala të më vinte prej FJALE

dhe të trokiste si Përgjigje…