Fahri Dahri: 81 VITE NË KËRKIM TË SË DREJTËS!

(Kujtesë me rastin e 22 korrikut 1944 që u larguam nga shtëpitë tona).

Për të kuptuar fenomenet qofshin natyrore apo sociale, duhet jo shumë mënçuri, as “vrasje mëndjeje”, është mjaftueshëm kushtimi i vëmëndjes në ecurinë e ngjarjeve në të dyja rastet. Në saje të vrojtimeve nxiren frekuencat, sipas të cilave bëhet seleksionimi për specifikën e interesuar. 

Në rastin tonë vrojtimi për ngjarjet e rënda kombëtare, na drejtojnë për të zbuluar burimin e agresivitetit të të tjerëve.  Sjellim në kujtesë disa nga datat e ngjarjeve dëmshumta ndaj kombit tonë. Me që dihen se ç’farë ndikimi të rëndë negativ kanë rënduar, vetëm do i përmendim për të nxjerrë konkluzionet.                                                           

1). Vitet 1844 Naçertania, Megalloidea; 1878 (Kongresi i Berlinit dhe Lidhja e Prizrenit); 

2). Vitet 1912-1913 (Konferenca e Ambasadorëve në Londër); 

3). Luftërat Ballkanike dhe L1B); 

4). 1923 (Traktati i Lozanës); 

5). 1936 (ashpërsia shtetërore greke ndaj çamëve); 

6). 1940-1945 (Masakrat greke ndaj çamëve myslimanë); 

7). 1949 (Vendimi i panjohur i Byrosë Politike më 1949: Çamët të dërgohen me forcë në Greqi për të luftuar);                                             

8). 1953 (Çamëve ju dha nënshtetësia shqiptare në grup); 

9). 1961 (grupi i ashtuquajtur armiqësor i Teme Seikos);                                                       

10). 2008 (Rrëzohet Rezoluta për gjenocidin grek ndaj çamëve);                                             

11). Një arritje me 5 deputetët e PDIU-së dhe një n/kryetar Kuvendi, e të tjera. 

Secila ngjarje flet qartë dhe pastër kundër kombit shqiptar.

Ngjarjet e mësipërme dhe të tjera si këto, janë të mjaftueshme si në cilësi dhe në sasi për të vrojtuar dhe konkluduar në fenomenin social që ka ndikuar kundër kompaktësisë dhe ecurisë normale të një populli të lashtë, dashamirës, paqësor dhe me troje fort bukur të përcaktuara që nga lashtësia. Pasojat e çdo ngjarjeje dhe të të gjithave të marra sëbashku gjatë këtyre afro 200 viteve, kundër kombit dardano-arbëroro-epirot (shqiptar) dihen, nuk i përsërisim.

Por do përqendrohemi tek disa shkaqe që nënkuptohen se kanë ndikuar e ndikojnë në progresin tërësor të shqiprarëve përfshi dhe ata që banojnë në trojet e tyre por nën hyqmën e shteteve jo shqiptare!.

Nga rezultati i vrojtimit të ngjarjeve si më sipër, sipas mendimit tim, arrihet në konkluzionin e shkaqeve që kanë ndikuar në shënjestrën armiqësore të të huajve ndaj shqiptarizmës!

a)- Kombi shqiptar ka prejardhje të qartë pellazgjike. [Sipas Mathieu Aref: “Helenët donin të zhduknin gjitha gjurmët e Pellazgëve, por gjurmët gjenden në qytetërimin e tyre: (krim i papërsosur ! m.a.”)]. Me që ne ruajmë pellazgjinë, kërkohet zhdukja jonë.                   

b)- Niveli i lartë elitar, me epërsi të cilësuar që gjëndet prej lashtësisë në etninë tonë. Personalitete që kanë drejtuar perandoritë dhe nivelet e larta fetare që nga Aleksandri i Madh, Olimbia. Pirro i Epirit, Teuta, Skënderbeu, Hasan Tahsini astronom, matematikan dhe filozof shqiptar. Rektori i parë i Universitetit të Stambollit. Ismail Qemali, Babai i kombit që “Mëvetësojë” Shqipërinë, në kushte gjeopolitike tejet të pa favorshme për kombin tonë.  Këto arritje lindin automatikisht zilinë dhe armiqësinë për të përvehtësuar  historinë e lashtësisë dhe ato Mesjetare.                                

c)- Në brendi të dardano-arbëroro- epirotëve mbizotëron forca mendore e gërshetuar me atë fizike. Janë veçoritë e dallueshme nga të tjerët, besnikëria, respekti, bujaria, falja, toleranca, analiza ndaj çdo ngjarje dhe gjykimi me paanësi ndaj kujtdo.                                             ç)- Të ashpër, të rreptë ndaj së keqes; dashamirës, të butë e tolerantë ndaj së mirës. Mirëkuptues, paqësor ndaj të vërteteve. Veti të rralla, por të csktuara për popuj të zgjedhur.

Këto të vërteta të pranuara dhe nga të tjerët, kanë kultivuar zilinë negative, ambicjet dhe armiqësinë e pa drejtë ndaj kombit shqiptar. Veprime këto, që kanë sjellë pasojat të rënda në jetesën tërësore të kombit tonë.

Veçori specifike nxirren vetëm nga  vrojtimet e mësipërme të ngjarjeve historike edhe tek shqiptarët që ndodhet jashtë kufijve të RSH, në veriun, lindjen dhe jugun etnik shqiptar (Kosovë, Ilirida dhe Epiri).

Për të kuptuar sa më qartë, më saktë dhe bindshëm, për shkaqet, pasojat e sotme që veprojnë kundër nesh, do theksoj qendrimet e shtetit grek dhe atij shqiptar ndaj komunitetit çam mysliman. Pa anashkaluar veprimet e njëjta të shtetin serb ndaj shqiptarëve të Kosovës.

Në analizë të fakteve të mësipërmë, duket se rezulton ndonjë AMANET, porosi djallëzore që ka sjellë e sjell dëme serioze në prosperitetin dhe unifikimin mbarë shqiptar (kombërar). 

Një veçori e dukshme e sjelljes tepër agresive për të kuptuar Amanetin e shtetit grek që i ka diktuar shtetit shqiptar, ndaj shqiptarëve të Çamërisë, na shpie pak a shumë në këtë përkufizim: “Urdhërohet shteti shqiptar të mos ngrejë në nivele të larta shtetërore dhe shoqërore nga elita e shqptarëve të Çamërisë, me banim në RSH”. Ky "Amanet-urdhër", me keqardhje ka gjetur zbatim me korrektësi, nga qeveritë shqiptare, e theksuar kjo që nga sajimi i grupit të ashtuquajtur “grupi tradhëtar i Teme Seikos”. Pasojat e asaj ngjarje ndjehen në vazhdimësi, ku në rangje të larta shtetërore dhe shoqërore nuk janë vendosur, apo emëruar elita intelektuale nga shqiptarët e Çamërisë apo pasardhësit e tyre”. 

Në vërtetim të sa më sipër sjellim gjithashtu rastin e mos miratimit të Rezolutës për gjenocidin grek ndaj çamëve në seancën parlamentare të vitit 2008; Ku u bë një telefonatë që nëse miratohet ajo rezolutë, duhet të dilni në kufi dhe të prisni kthimin e emigrantëve nga Greqia . Apo rasti me qendrimin  ndaj n/kryetarit të Kuvendit nga PDIU-ja. Më pas, rrjedhojë e reagimeve të ashpra greke, me masa të nëndheshme, është arritur në mos përfaqësimin e asaj partie në nivele normale si gjithë partitë e tjera. Apo nëse përmendet “ÇështjaÇame”, do të veproje pa hezitim “vetoja greke”. U diktuan ndryshimet e vendlindjes së çamëve të lindur në Çamëri - Greqi. Dhe sa e sa masakra e keqtrajtime fizike e morale kanë ndodhur gjatë këtyre 81 viteve.

Shkrimi është për një vështrim të përgjithshëm mbi rrugëtimin e kombit tonë në këto 200 vite.

 Nga Fahri Dahri- Tiranë, më 22/07/2025.-