EPIGRAME NGA MEVLUD BUCI
DRIDHE LIKE
Kudo e gjen nëpër tubime
Partinë quan rreze drite,
Mjeshtër i rrallë nëpër trillime
Me variantin :Dridhe Like…
KOKRRA E SHEQERIT
Shpifjen s`ia kursen as zotit,
Cilitdo ia hedh me vrer
I ngjan Zylos,Don Kishotit,
Kërcen me një kokërr sheqer…
SYLESHI
Natë editë i përbetohet
Të kam shpirt o Trim LLeshi
Nga fjalët hipnotizohet
Dhe s`e di burrë syleshi…
FUSHË ME LULE
Mësuar me privilegje
Me naze, pekule
Në pozitë plot me rrengje
Kudo ta bën fushëme lule..
UJË NË LOPATA
Kohë pa kohë bëjnë zotime
Ngopen veç me ligjërata
Punët kudo u dalin hime
Nuk u merr më ujë lopata…
KONKLUZION
Flasin flasin, marshalla
Me lezet tundin sheshin,
Lodhur me rrena plaka tha:
Unë mbaj furkën e ju leshin…
GOJA MJALTË E GOJA SPEC
Grinden grinden për drejtësi
Ligjet përdorin si pece
Qesharakët me trefytyrësi
Goja mjaltë me miell speci…
MË MIRË NDA SE KRYE ÇA
Bëjnë zënka e shamatë
Nuk flasin vlla me vlla
U shkoi jeta porsi natë
Më mire nda se kryet ça…
LEPURI
S`lodhet,s`mërzitet kurrë
Njeh lajkatarët here pas here
Me katër sy vigjilenti burrë
E kap lepurin me qerre…
FJALËPAMBAJTUR
S`mban fjalë as karar
Përdridhet si ngahera,
Pa bosht,lajkatar
Flurac me mendtë si era…
METAMORFOZË
Ferra çel nga trëndafili
Dhe nga trëndafili ferra,
S`këndon kush si bilbili
S`ka më të bukur se pranvera…
FUNDI
Seç e tha i madhi Eskili
Fjalët e tij botën e tundin
O njerëz ruhuni nga katili
Mos u mburrni pa pare fundin…
THIKA
Shajnë e shajnë pordhilikanët bosh
Për dokrrat e Servetes
Këtyre hajdutëve kodoshë
Koha u tha:Ngulja thikën vetes…
TRIUMFI…
Do guxim dituri,
Në ballë të jesh,s`është kollaj
Fëmijtë që e madhja pasuri:
Bëmë baba të të ngjaj…
Comments