Emine S. HOTI: Tregoje veten!

Një tufë me poezi

Tregoje veten!

Tregoje veten,

tregoje atë që ti di, 

mos lejo të të shkelin,

në traditë dhe në histori.

Por as ti mos lëndo askënd,

mos shkel ndjenjat e askujt,

respektoji njerëzit kudo,

kjo jetë është e gjithkujt.

Kjo botë është e jona,

e jotja, imja e atij,

të jemi njerëzorë,

me njëri-tjetrin gjithnjë.

Origjinal

Të jesh i thjeshtë,

ashtu siç ti je,

ashtu siç natyra të krijoj,

kudo dhe kurdo në jetë,

pamja jote e jashtme,

me zemrën e shpirtin të ngjasojë.

Nëna

Nëna është fjala më e bukur,

nëna është ndjenja e mendja,

nëna është zhvillimi i jetës,

nëna është mirësia dhe zemra.

Nëna është vullneti dhe përkëdhelja,

nëna është vet dielli dhe natyra,

nëna është mrekullia e madhe,

nëna është  më e dashura, më e mira!

Çast jete

Kur vjen pranvera

shpezët fluturojnë,

gjallërohet jeta,

lumenjtë vërshojnë.

Ne i dëgjojmë me ëndje,

na gëzon kënga e tyre,

ndiejmë ngrohtësinë e diellit,

zhurmën e  burimeve.

Rrezet e diellit,

edhe borën po e shkrijnë,

edhe ujë ka për të gjithë,

pranvera dhuron begatinë.

Bashkohemi në vatra,

bashkë në familje,

flasim, kuvendojmë,

për të ardhmen e fëmijëve...

Zemra i mban të gjitha

Eh, në këtë jetë,

njeriu dy herë bëhet fëmijë,

një herë kur lind, 

një herë tjetër në pleqëri.

Jeta është e vështirë,

me halle pa mbarim,

ato duhen përballuar,

me fuqi dhe guxim.

Hallet janë pjesë e jetës,

ca vijnë nga ne, ca nga natyra,

zemra jonë është gjithçka,

ajo i mban brenda të gjitha.