E NDRIT KOHA O MARKA NDRECËN

E NDRIT KOHA O MARKA NDRECËN

RAPSODI NGA MEVLUD BUCI

Pyet Lura o nanë Arbninë

Ku e kam djalin ,o Mark- Lirinë,

Ku e kam trimin ,vlla të shqipes

Hej,ra në detyrë o në zabel të Nikës.

Hej,nan luriane,mbaje lotin

Të gjallë e kena o Kastriotin,

Rrit shqiponja o zogj në shkrepa,

Rron e s`vdëes kurrë o Marka Ndreca.

Hej,në ditë të ftohtë e ditë janari

Marka Ndreca ky zog shqiptari,

Tu ça borën përmes natyrës

Ra si burrë në krye të detyrës.

Hej,e tanë Lura ka derdh lot

Ra në detyrë njëKastriot,

Nip i Doçit,fis i trimnisë

Burrë azgan me armë të sigurisë.

Hej,brez pas brezi flet trimnia

Moj nanë Mara,dritë-burrnia,

Lumpër djalin që i dhe gjinë

Nderoi Lurën e tan Arbninë.

Hej,si luanët në mes të stuhisë

Në mote i ndrit o yll ilirisë

Hej,djalë të pushkës nana e leu

Në zemër e në kangë e ka atdheu.

Hej ,natë e ditë me synin katër

Marka Ndreca,shqipe me flatër,

Ra dëshmor me armë të sigurisë

Qytetar Nderi i Lurës së trimnisë.

Hej ,me Sheh Muratin o besatimin

Për të mbrojt njerëzit o për vllaznimin,

Porsi dielli që ndrit shkrepin

E ndrit koha o Marka Ndrecën.