Delo Isufi: Nuk ka jetë pa dashuri

 ·

Më thonë, pse nuk shkruan,

Si dikur për dashurinë,

Mos je plakur dhe e vuan,

Dhe me lot e qanë rininë?!

Unë u themë me të qeshur,

Ktheni gotat e rakisë,

Edhe kur të jem i vdekur,

Do t'i shkruaj dashurisë.

Do u këndoj syve të shkruar,

Vajzave të Vlorës sime,

Nuk e qaj rininë e shkuar,

Jam i ri në ëndërrime.

Mbushni kupat dhe i pini,

Le ta ngremë një dolli,

Harroni moshën që kini,

Nuk ka jetë pa dashuri.

Delo Isufi