Dashuria ime e madhe...

Qysh e vogël e dashurova fort,

Me syçkat fëmijërore paksa të mbyllur...

Aq shumë rashë në dashuri me të,

Shpirtin gëzoja,

brenda vetes doja ta mbaja kyçur!

Ështe dashuri e herëshme,

E ndjerë dhe e shprehur me miliona herë,

Sa shumë i kam buzëqeshur me ëndje,

Edhe atëherë kur shpirti thyente rrufetë!

Kjo dashuri e madhe për mua,

Kjo dashuri që nuk e nxë dot atë,

Ështe me e zjarrta që dua,

Më besoni, ështe dashuri e begatë!

O diell i tokës time,

që më mbush me dashurinë e pafund!

O rrezja ime e përkimit,

Më e shtrenjta pasuri, që sdi të humb!

Qysh e vogël u dashurova fort me diellin,

E desha, e dua pa kushte...

Me ty u lidha fort,

Ti me zjarrin tënd shpirtin ma puthe...

E dua diellin si gjënë më të shenjtë...!

E dua atë dritë që shpirtin ma pushton,

Kjo lumturi e madhe, me mua fle,

Kur perëndon çdo mbrëmje...,

Dhe zgjohet kur çdo mëngjes agon!

Gj. Sh.

Janar 2023

Recent Posts