top of page

BURRAVE


BURRAVE

( te ashper . . . apo indiferente )

 

Të më duash , sa dhe te dua ! Jam e jotja , jam Grua !

Ekzistoj në të gjitha dëshirat e tua .

Ëndrra jote merr frymë me mua ,

Kam qënë brënda teje, ecejakja e një femre ,

që në rininë tënde të hershme .

Jam çmënduria jote e parë , liria zinxhirëzgjidhur ,

ajo puçrra e vogël në ballë dhe zëri i ngjirur .

Loti i parë për një mallë , Dashuria e Marrë !

Drithërima e parandjenjës , dallga dhe shkuma .

Pasiguria e njomë , burrërimi që s´mund të ndodhte pa mua .

 

Jam prita , që të mbron nga të shumtët ,

edhe nga e Keqja .

Zgjatja e duarve të shpirtit që t´afron ,

tek unë dhe tek vetja . . .

Jam vazhdimi yt tek fëmija ,

kujdesi , vetmohimi , pagjumësia .

 

Përfytyrimi , që me gishta të zbërtheu kopsën e këmishës .

Ngrohtësia që të ngjethi trupin veç me cikjen e supit ,

xixa që ta ndezi e t´a dogji cepin e lagur të syrit .

 

Duamë pra , siç do lulja brymën,mali dëborën ,

nata hënën , qëndizmat e vajzave zemrën .

Jam cikëbuza e gjethes që të bën pa moshë të jetosh ,

Kërcitja e biskut fshehur nën hije , pas veshit e ëmbla pëshpëritje .

 

Nuk dua të flas me asnji ,

për . . . mes nesh as më të voglën ´´prapësi´´ ,

ti je njeriu im , dhe babai i fëmijve të mi ,

më je streha , unë e jotja çati .

 

Jam përpëlitja e fluturës brenda teje ,

me e bukura drithërimë e qenies tënde ,

krijuar për ty e domosdoshmja ,

dhe jo për pak dashuri një lypëse . . .

 

Në se kërkon të të dua , më duaj !

Pa më fyer ,e pa më lënduar ,

bëj durim për një veprim timin të gabuar , të nxituar ,

më bëj pak vend tek vetja , duke më këshilluar .

Unë jam vesë , kam sedër dhe dinjitet ,

mi respekto këto , mi mbro ,

që të mundem të të mbroj , më beso .

 

Duamë , jo vetëm se jam Grua ,

por sepse mbetem dhe mbetesh gjysëm pa mua .

Jeta ta dish është ledhatare ,

por është dhe shumë- shumë dinake.

Ajo luan me njerëzit , dhe për njerëzit Shfaqe !

 

E unë JETES , nuk dua ti bëhem Lojë .

Unë i dashur , dua të vdes Zonjë !

( Athens , 2012)

38 views0 comments

Comments


Shkrimet e fundit

fjalaelireloadinggif.gif
bottom of page