Bujar Qesja: Kujtime, mbresa, mall me gocën e Pavllos Irena Roko

Këtë mëngjes me mbretëreshën e lartësive

-Kujtime, mbresa, mall me gocën e Pavllos Irena Roko

BUJAR QESJA

Jeta e gjatë apo e shkurtër, varet nga mënyra se si e konsumon atë, si e planifikon, organizon për të zgjedhur më të bukurën, më të mirën, më të pranueshmen, më atë që i përshtatet zemrës dhe shpirtit tënd. Edhe një kafe, apo gotë plot aromë kënaqësie rakie është jetë, por varet se si e përshtat dhe ia merr kuptimin e plotë. Mëngjeset e mia kështu konsumohen, si vetë ngarkesat e pazakonta të angazhimeve publiçistike të përmasave raskapitëse, të lodhshme, por shumë të gëzueshme që kaloj apo përballem.

Kohë e bukur. Mëngjes i bekuar. Fresk i lehtë, që më filtron gjakun dhe më ajros shpirtin. E shtunë, 11 tetor 2025. Më kë jam në këtë pamje? Pa diskutim më e veçanta në Durrës, por mbase ndër të rrallat edhe në këtë që quhet Shqipëria e jonë. Këto rradhë po i shkruaj me shpejtësi nga tavolina që shikoni.

Jam me Irena Rokon, vajzën e inxhinjerit historik për atë çka qe dhe çka dha Pavllo Roko. Është mahnitëse jo vetëm në bukuri, por së pari në mendime, në një koncept për jetën që të befason, apo të huton, por përmbi këto për "vesin" që ka. Nuk po len mal në botë pa shkelur, qoftë edhe ai që quhet Himalaja, apo ndonjë ditë mund prek edhe Everestin.

Nuk po len kros lokal, kombëtar dhe ndërkombëtar pa qenë pjesmarrëse, qoftë edhe vrapime në përmasa maratone.

Çfarë personazhi kam për t'iu kushtuar me një shkrim ekstra, fort të merituar.

Irena është biokimiste. Lokali i parë i pastrimit kimik në Durrës, është hapur nga Irena Roko. Dhe vazhdon ta mbaj në mënyrën më të mirë të mundshme. Djali Enea, është inxhinjer ndërtimi dhe punon në jug të vendit.

Nëna e Irenës është kimistja e njohur Romana Roko. Zonjë dhe fisnike. Vëllai Dhimitri, është i famshëm për linjën e detergjenteve që ka hapur dhe zotëron tregun. E motra Xhilda, në profesion veterinere punon në AKU.

Familje e hershme durrsakësh, intelektualë, por shumë, shumë të fisëm. Me Irenën kalojmë minuta që i përgjigjet natyrës, formimit dhe karakterit tonë human dhe qytetar.

Me Irena Rokon këtë mëngjes, e nesër me familjen, çiftin Elsa dhe Vasil Hila tek miqtë tanë në Zharnec të Divjakës. Kjo është fund java ime, që nis me të mrekullueshmen Irena Roko dhe mbaron në Zharnec. E në mbrëmje vonë të 12 tetorit, kthehem në Durrësin tim të përjetshëm.