BUJAR QESJA: Jurida Kraja dhe Roland Ballazhi

Jurida Kraja dhe Roland Ballazhi, çift që ngre buzëqeshjen në mision jete

...Ata nuk janë vetëm dy stomatologë të shkëlqyer, por dy zemra të mëdha që kanë zgjedhur të shërbejnë me profesionalizëm, përkushtim dhe dashuri për njeriun...

Nga BUJAR QESJA

Mjeshtër i Madh

Ka njerëz, që nuk ecin mbi tokë si të gjithë të tjerët. Ata lëvizin butë, si drita që nuk zhurmon, por ndriçon. Nuk flasin shumë, por kur veprojnë, zemra të përshëndet më parë se fjala. Në qytetin ku shpesh fjala e mirë mbytet nga zhurma, ka ende fytyra që të kujtojnë se humanizmi nuk ka humbur. Është aty, përreth nesh, në formën e dy duarve të pastra që shërbejnë, të dy syve që shikojnë me kujdes, të dy zemrave që nuk i kursejnë rrahjet, për t’i bërë mirë tjetrit.

Në Durrësin tonë të lodhur e krenar, ku fryma e Adriatikut përzihet me zërat e përditshëm të qytetit, ka një klinikë që nuk ndriçon vetëm nga llambat e teknologjisë, por nga njerëzit që punojnë brenda saj. Quhet “Joni Dent”, por në të vërtetë është fener i butë që ndriçon me mirësi. Aty punojnë Jurida Kraja dhe Roland Ballazhi  jo thjesht stomatologë, por arkitektë të buzëqeshjeve të kthjelluara, mbjellës të besimit në njerëzi, zanatçinj të ndjesisë së harruar.

Hap derën dhe ndien, se nuk je në një klinikë të zakonshme. Ndodhesh në një shtëpi të bardhë të shpresës, ku çdo kolltuk është një ftesë për qetësi, çdo aromë steriliteti, përzihet me butësinë e përkujdesjes që nuk blihet. Në muret e saj nuk varen vetëm çertifikatat profesionale, por qëndron e gdhendur heshtur etika e zemrës dhe ndjenja që nuk kërkon lavdi, por jep dritë.

Ky çift i veçantë, nuk e mat ditën me numrin e pacientëve, por me numrin e buzëqeshjeve që rikthehen. Kanë ndërtuar jo vetëm profesion të suksesshëm, por mënyrë të re për të parë njeriun në nevojë: me sy të barabartë, me dorë të zgjatur, me zë të butë që thotë: “Po, jemi këtu.”

Në pamje, dy çifte me peshë të ndjeshme në qytetarinë durrsake. Nga e majta: Roland Ballazhi, Jurida Kraja, Kostandina Ngresi dhe Bujar Qesja.

Në atë hapësirë të bardhë, ku dhimbja bie e përkulur dhe ngrihet e lehtësuar, Jurida dhe Rolandi janë më shumë se mjekë. Janë gjethe të gjelbra në stinën e lodhur të qytetarisë, janë zë i heshtur i humanizmit që nuk flet për veten, por dëshmon me vepra.

Prej më shumë se gjashtëmbëdhjetë vitesh, dyert e kësaj klinike janë të hapura jo vetëm për qytetarët vendas, por edhe për qindra italianë, që me besimin tek cilësia dhe dashuria për profesionin, janë kthyer në klientë të përhershëm. Shumë prej tyre, pasi kanë përjetuar profesionalizmin dhe ngrohtësinë që ofron ky çift, janë bërë ambasadorë të “Joni Dent” në vendin e tyre, duke sjellë miq, familjarë e bashkëkombas të tjerë, për të përfituar nga kjo përkujdesje me standarde europiane, por me shpirt shqiptar.

Në kohën kur fjala “mirënjohje” duket e rrallë, është detyrë njerëzore dhe qytetare të nderojmë figura si Jurida Kraja dhe Roland Ballazhi. Nuk kërkojnë lëvdata, por i meritojnë të gjitha. Kanë ditur të ngjisin shkallët e suksesit, pa u shkëputur nga toka e dashurisë për njerëzit. Sepse nuk kanë lënë pas askënd, që ka pasur nevojë. Sepse janë model për atë çfarë duhet të jetë një profesionist: i zoti në dorë, por i madh në shpirt.

Në ambientet e “Joni Dent” nuk ndien veç erën sterile të një klinike: ndien ngrohtësinë e mikpritjes, tonin njerëzor të zërit, qetësinë që të fal buzëqeshja para çdo ndërhyrjeje. Jurida dhe Rolandi nuk e shohin pacientin si rast klinik, por si njeri me nevoja, me ankth, me dëshirën për t’u kuptuar. Ata nuk vendosin kufij midis profesionit dhe njerëzores. Të dy bashkë udhëheqin filozofinë e  punës, ku teknikat më të përparuara të stomatologjisë, përzihen me shpirtin e butë, që di të dëgjojë dhe të ndihmojë.

Kush i njeh nga afër, e kupton se ata nuk janë bashkë vetëm në jetë, por edhe në mision. Në çdo ndërhyrje dentare, ndjen përpikmërinë e shkollimit dhe përvojës së tyre, por mbi të gjitha ndjen diçka tjetër që nuk mësohet në auditore: ndjeshmërinë. Qoftë një fëmijë që ka frikë, një grua e moshuar që vjen me drojë, apo një turist italian që nuk flet dot mirë gjuhën, të gjithë dalin nga klinika me ndjesi të përbashkët: se janë trajtuar me dinjitet, kujdesje dhe buzëqeshje.

Bota e tyre nuk përmbyllet brenda katër mureve të klinikës. Jurida dhe Rolandi janë të pranishëm në jetën sociale të qytetit. E kanë bërë zakon të jenë pranë nismave qytetare dhe humanitare. Janë mbështetës të palëkundur të shoqatës “Së bashku ne mundemi” që drejtohet nga Elsa Tasha, ku ndihma e tyre nuk është e rastësishme, por e vazhdueshme, konkrete, pa zhurmë. E dinë fort mirë: të ndihmosh nuk është lëmoshë, por detyrim moral për ata që kanë mundësi.

Dhe ky shpirt solidar, kjo frymë mbështetëse, nuk është vetëm për ata në nevojë. Edhe një gazetar, i cili ka vite që përpiqet të hedhë në letër figurat më të ndritura të qytetit të tij, një mision që kërkon kohë, përkushtim dhe le të jemi realistë edhe mbështetje financiare, nuk mbeti pa u vënë re nga ky çift me zemër të madhe. Këtë shpirt të ndjeshëm e kam përjetuar edhe unë. Si gazetar që nuk e kam ndalur kurrë penën për Durrësin tim të dashur, në këtë rrugëtim sfidues ku fjala ka nevojë për mbështetje për t’u kthyer në libër, ndjeva dorën e ngrohtë dhe ndihmën e tyre.

Ishte një takim i papritur, një mëngjes i zakonshëm që u kthye në një çast të jashtëzakonshëm. Me thjeshtësi dhe njerëzi, më ofruan mbështetje financiare për botimin e librave të mi, duke më thënë:

“Mbase nevojat janë për më shumë, por ne po të ndihmojmë me sa mundemi, që Zoti ta bëjë me hajër këtë nismë humane dhe qytetare.” Fjali që rrëfen gjithçka për shpirtin e tyre.

Nuk do t’i harroj kurrë ato fjalë. Sepse në kohën kur ndihma e sinqertë është bërë e rrallë, kur njeriu shpesh lë pas krahëve nevojën e tjetrit, ata zgjatën dorën, pa u thirrur, thjesht sepse ashtu e ndjenin. Ndihma që më dhatë mua si gazetar i këtij qyteti, nuk do të humbasë. Ajo do të jetojë jo vetëm në faqe libri, por edhe në kujtesën e Durrësit që ka nevojë për shembuj të tillë.

Jurida dhe Rolandi janë njerëz të mbushur me atë pasuri të padukshme, që nuk blihet. E ndjejnë që shqetësimi i tjetrit bëhet edhe shqetësimi i tyre. Kanë krijuar ekuilibër të admirueshëm mes suksesit profesional dhe përulësisë njerëzore, mes mjeshtërisë së profesionit dhe thjeshtësisë së komunikimit. Nuk e bëjnë dallimin midis klientëve dhe njerëzve: të gjithë janë miq që meritojnë më të mirën, me respekt dhe dashuri.

Mbase as vetë nuk e dinë, sesa shumë kanë dhënë. Mbase janë aq modestë, sa ndihmën e tyre e konsiderojnë detyrë. Por për ne që kemi fatin t’i njohim, ata janë më shumë se stomatologë të mirë: janë njerëz të veçantë. Jurida Kraja dhe Roland Ballazhi, ju qofshi të bekuar. Shëndeti, dashuria dhe drita që shpërndani për të tjerët, u ktheftë shumëfish në jetën tuaj. Falë jush, Durrësi ka jo vetëm buzëqeshje më të bukura, por shpirt më të pastër dhe më të ndriçuar.

Në një kohë kur fjala e mirë është bërë e rrallë, Jurida dhe Rolandi dëshmojnë përmes çdo veprimi, se njerëzia ekziston. Janë profesionistë të zotë, me duar që shërojnë dhe mendje që udhëhiqen nga shkenca. Por mbi të gjitha janë zemra të mëdha, që përhapin mirësi, qetësi dhe frymëzim për të tjerët. Në qytetin tonë, që ka nevojë për shembuj të tillë, për figura që nuk shfaqen për të marrë, por për të dhënë, ata janë dritë. Dhe dritat e vërteta nuk fikën kurrë. Jurida Kraja dhe Roland Ballazhi, nuk ndërtojnë thjesht një klinikë. Ata ndërtojnë çdo ditë komunitet më të mirë, me më shumë kujdes, me më shumë buzëqeshje dhe me më shumë shpresë.

Në rrugët e Durrësit, midis zhurmës së zakonshme dhe nxitimit të kohës, ka një vend ku ndalesh për t’u përkujdesur, por largohesh me diçka më shumë se trajtim të kryer: largohesh me ndjesinë se dikush është përkujdesur për ty si njeri, jo vetëm si pacient. Ky vend është “Joni Dent”, klinika dentare e themeluar nga çifti që ka kthyer profesionin në mision: Jurida Kraja dhe Roland Ballazhi.

Jurida dhe Roland nuk kursejnë as kohë, as lodhje, as teknologji. Punojnë me përpikmëri, me aparatura bashkëkohore dhe me dorën e sigurt të profesionistit që e njeh punën, por mbi të gjitha me ndjeshmërinë e atij që e ndjen përgjegjësinë e të pasurit përballë një njeri, e jo vetëm një gojë me dhimbje. Ata janë stomatologë të plotë, që kryejnë çdo lloj punimi dentar, nga më të thjeshtat tek më të ndërlikuarat, me etikën dhe kujdesin që i karakterizon.

Por më e madhe se çdo sukses profesional, është zemra e tyre njerëzore. Ata janë aty ku ka nevojë. Shpesh pa zhurmë, pa kamera, pa bujë, thjesht me ndjeshmërinë e atyre që nuk kanë harruar se përballë mjekut është njeriu. Dhe çdo njeri, ka barrën e vet që ndonjëherë nuk është vetëm fizike, por edhe shpirtërore.

Të tillë janë Jurida Kraja dhe Roland Ballazhi: njerëz që nuk kanë nevojë për lëvdata, por që i meritojnë të gjitha. Sepse në çdo punë, në çdo takim, në çdo mbështetje, ata mbjellin besim, dinjitet, dhe mbi të gjitha shpresë.

Në një Durrës që kërkon rrugë për të ecur përpara, ky çift është shembulli që suksesi i vërtetë nuk matet me pasuri apo famë, por me ndikimin që ke në jetën e të tjerëve. Dhe ata po lënë gjurmë. Gjurmë që nuk fshihen. Gjurmë që mbeten.

Ata nuk janë vetëm dy stomatologë të shkëlqyer, por dy zemra të mëdha që kanë zgjedhur të shërbejnë me profesionalizëm, përkushtim dhe dashuri për njeriun. Përmes klinikës “Joni Dent” në Durrës, kanë kthyer çdo trajtim në akt humanizmi, çdo ndërhyrje në përkujdesje të rrallë, çdo sukses profesional në një dritare për të ndihmuar të tjerët.

Ky shkrim është një përpjekje për të ndalur për një çast kohën, për të ngritur në vlerë dy figura që e meritojnë çdo fjalë të mirë, jo për atë që thonë, por për atë që bëjnë. Dhe për mënyrën sesi e bëjnë: me heshtje, me ndjenjë, me shpirt të madh.

Dhe nëse një ditë, ky qytet do të shkruajëpër ata që heshtur bënë dritë në errësirë,dy emra do mbeten në kujtesë të gjallë:Jurida dhe Roland, dy zemra që frymojnë mirësi.