Bujar Qesja: Albert Mani dhe Tatjana Misiri në një lidhje me sfond shqiptaro –rus

-Janë një çift pasardhës i ruses Rufima Sergei Anufrieva dhe shqiptarit Naim Misiri

Histori unikale dhe e veçantë për t’u nderuar dhe respektuar

-Shkrim i nxitur me prezantimin e fotos së Tatjana dhe Albert Manit

BUJAR QESJA

Çifti më simpatik dhe me histori unikale në Elbasan. Albert Mani me profesion berber, djali i një tjetër berberi me emër Tomor Mani, i biri i vajzës së tezes time Nafije Daja, është martuar me Tatjana Misirin. Fotoja që ato sapo kanë publikuar, më nxiti t’i përkushtohem një shkrimi me vlerë sa shoqërore aq edhe historike.

Tatjana është vajza e kuadrit të njohur, burrit zotni, fisnikut të lindur Naim Misiri, i cili punoi për shumë vite edhe në Durrës. Më pas transferohet në Elbasan dhe e mbyll jetën aktive të punës si drejtor i llixhave të këtij qyteti. Largohet nga jeta në vitin 1997, kur mbushi të 70-tat. Naimi gjatë kohës që studionte në Bashkimin Sovjetik, njeh dhe dashurohet me një superzonjë ruse që quhet Rufima Sergei Anufrieva.

Rufima e mrekullueshme, e bukura dhe shpirtmadhja e jonë, kishte humbur prindërit në luftën e dytë botërore dhe rrezikonte të humbiste edhe familjen dhe djaloshin simpatik shqiptar, me emrin simbol të kurajos Naim Misiri.

Prandaj nuk mund ta ndaja kurrsesi figurën e ndritur të zyshes së rusishtes, të intelektuales ruse dhe shqiptare Rufima Sergei Anufrieva, nga ajo e bashkëshortit të saj, të djalit trim dhe të vendosur, të aftë dhe të mënçur me origjinë nga shqiptarët e Misirit, andej edhe nga ishte edhe shkrimtari i njohur i rilindjes Andon Zako Çajupi, Naim Misiri.

Tatjana Misiri është vajza e dytë e familjes Misiri. Ajo u martua me një djalë tërheqës dhe një familje e njohur në Elbasan. Quhet Albert Mani. Me këtë njeri punëtor të zotin në profesionin e tij, ka tre fëmijë Ilva, Kliti dhe Elio. Tatjana, emri me bazë ruse dhe Etriti janë mësues dhe ndjekin rrugën e nënës së tyre Rufima. Ndërsa vajza e madhe e çiftit Misiri –Xheku, është martuar me aktorin e njohur të Teatrit Popullor Fadil Kujofska, i ndarë nga jeta para disa vitesh.

Ka qenë me fat brezi ynë, që rusisht mësuam nga kjo Rufimë e jashtëzakonshme, që iu përshtat perfekt jetës në Shqipëri dhe kryesisht në Durrës dhe Elbasan dhe u bë një shqiptare, më shumë se shqiptare. Komunikimi saj i ëmbël, e folura nga gjuha e nënës, na linte me gojë hapur.

Ligjërim i i saj, na sillte në klasë atmosferën ëndërruese të gjuhës tërheqëse ruse, duke na dehur me kulturën historike dhe të jashtëzakonshme të popullit rus.

Megjithë ndryshimet politike, dashuria e shqiptarit Naim dhe ruses Rufima, fitoi mbi gjithçka. Rufima kishte lindur për të qenë grua me të gjitha zakonet shqiptare. Për fat Alberti, djali i vajzës së tezes, shumë i bukur dashurohet me Tatjanën. Trashëgohet në një brez tjetër, dashuria i një shqiptari dhe një vajze me nënë ruse.

Dhe kjo Tatjanë e mrekullueshme, së bashku me Albertin krijuan një familje të shkëlqyer, pasuese në të gjitha hapat me familjen e tyre të origjinës. I shikoj të qeshur, të gëzuar dhe kënaqesia ime në këtë rast është në lartësitë e një mali.

Me 24 nëntor 2020, në Elbasan u nda nga ne, një grua fisnike nga Bashkimi i hershëm Sovjetik. Ishte ruse. Lidhi jetën me djalin shqiptar Naim Misiri në vitin 1956 dhe zemra iu ndal me 24 nëntor 2020, në qytetin e ëmbël dhe shumë të bukur të Elbasanit.

Ju dua shumë të afërmit e mi! Jeni krenaria e qytetarisë elbasanase. Historia e juaj e veçantë, meriton të nderohet dhe respektohet. Populli rus shume i lashtë dhe me histori ka shumë vlera, pavarësisht nga politikat që janë ndjekur dhe po ndiqen. Populli rus dhe historia e tij, jane krejt tjetër me politikat e drejtuesve të ketij shteti gjigand.

Por Berti dhe Tatjana janë në punën dhe jetën e tyre. Janë me trashigimtarë dhe uroj megjithë zemër që ti gëzojnë. Kur shikojmë këtë çift të mrekullueshëm me sfond shqiptaro ruse, bindemi se popujt janë të drejtë dhe të ndershëm në miqësinë e tyre. Ato rrojnë dhe mbijetojnë në bazë të parimeve të njohura sociale dhe qytetare.

Kështu edhe ky çift i bukur, që çfaqet në këtë pamje shumë njerëzore, i përcjell këto vlera. Berti dhe Tatjana, të mirët e mi! Ju duam shumë! Elbasani per ne ka të tjera ngjyra, nga që ju kemi atje.

Nuk e di sepse nuk po arrijmë të takohemi dhe të qendrojmë sado pak çaste në miqësinë e njëri tjetrit. Por ajo që ka rëndësi, janë kujtimet dhe mbresat e pashlyeshmne që kemi për njëri tjetrin.

Paçi me gjithsejt jetën, shëndetin, mbarësinë dhe sukseset!

Me shume dashuri!