BOSHNJAKJA


Thani Naqo

BOSHNJAKJA

tregim


-Çfarë halli ke o, i gjorë, - thotë me keqardhje boshnjakja Sabina sa hapi derën e apartamentit.

-Më doli një punë në Tennesse, – e gënjej, – por nuk kam para për benzinë.

-Sa mirë që t’u ringjall dëshira për punë, – shton ajo e më këqyr me dhembshuri. Habitem kur bën shenjë, me të dyja krahët, të hyj në apartamentin e saj; një gjë e tillë nuk kishte ndodhur më parë. Pa kapërcyer ende pragun e derës dalloj dy kopsa të pa mbërthyera në rrobdeshambër. Shoh pulpat e gjunjët e bardha e kujtohem se sot është e diel dhe të dielat janë erotike.

-Më kish marrë malli për ty, - dëgjoj të thotë Sabina. Ëmbëlsia e zërit më siguron se sot ajo do më japë borxh edhe po t’i kërkoj një mijë dollarë. Kur Sabina bëri shenjën me të dyja krahët e shtoi edhe “bujrum”, pandeha se ajo do më gostiste me havllë, që e gatuante vetë për shpirt të njerëzve të saj të vdekur. Ose, ajo mezi priste të më tregonte për piramidat ilire, zbuluar

në Bosnjë e për varrin me treqind boshnjakë,