BISEDË ME QENUSHIN KUPER…
E di Kuper?-
Më je mik zemre,
O bukurosh i vogël, i dlirë dhe fin.
Sa e kupton
Që në shpirt kam dhembje,
Sy përlotur me gjuhë më lëpin.
Befas më ngjan
Se dhembjen ma heq
Me doçkat e buta si mëndafsh.
A nuk është e tmerrshme
Të të kuptoj një qen
Më mirë se njerëzit rreth e qark?
Eh, ta dije, Kuper,
Ç’ligësi ka kjo jetë:
Ka njerëz që s’janë sa një e qindta jote.
Ta thot xhaxhi Lymja
Dhe kjo është e vërtetë…
