ATO KORDELET E VERDHA .
Nga Mentor Serjani
Vjen një lule,lulebore,
Në dy sy loti i ndrin,
I vjen bleta punëtore,
Vjen një lule,lulebore.
E merr lulen dorpërdore,
Heq me zëmrën psherëtin,
Vjen një lule,lulebore,
Në dy sy loti i ndrin.
Ah,sa lodronin mbi krela!
Sa i donim ata sy,
Ato kordelet e verdha,
Ah sa lodronin mbi krela!*1
I linte t'ia shplekste era,
Atij djali vetullzi,
Ah,sa lodronte mbi krela,
Sa i donin ata sy.
Shkujdesur,balukeprera,
Shëtit kopshtet me lajthi,
Ikën çdo mëngjes ngahera,
Shkujdesur,balukeprera.
Ç'bukuri të bie vera,
<<Shend e vere>>,mrekulli,
Shkujdesur balukeprera,
Shëtit kopshtet me lajthi.
*1.Krela-Kaçurrelat e flokëve(ondet).
