Armela Hysi: Shkrimi i dr. Fatmir Terziu ringre çështjet themelore për artin e poezinë

Një shkrim i nevojshëm për të ri-shkundur arkat e ideve dhe mendime e konstruktive, që mund të kemi të gjithë, prej botëkuptimit të krijuar, së bashku me ato prej leximeve të tjera - me kaq peshë a jo të tillë, mbi temën, - si dhe të vërejtjeve të herëspasherëshme që mendon se bënë shpesh publiku i gjerë, që për fat të keq (kryesisht të tijin vetë, edhe pse për zgjedhje personale kryekëput) nuk lexon dhe aq, më.

E megjithë vullnetin e lirë e përgjegjësinë personale, unë këmbëngul se të mos lexojnë disa poetë, do të thotë të mos ujisin bimësinë e mugulluar prej një talenti të mundshëm, të mos marrin lëndën e parë të fjalës, estetikës, historisë së artit dhe komponentëve e rrymave që e përbëjnë, të mos ngjiten në "shpatullat e gjigantëve" për të parë horizontin që pretendojnë të zgjerojnë (nëse nuk e pretendojnë nuk janë poet) dhe të mos seleksionojnë - e vetmja gjë që bënë një poet, - gjithë sa janë thënë dhe janë shqyrtuar mjaftueshëm, me mënyra të tejpërdorura dhe terma të dalëboje nga shumë përdorimi.

Shkrimi i dr. Fatmir Terziu ringre çështjet themelore për artin e poezinë, si një kujtesë që duhet t'i bëjmë shpesh të gjithë, vetes.