Agim Bajrami: Ditë vere në Elbasan.

Sot më doli gjumi

Ende pa aguar

Më një një këngë në buzë

Verore në duar

Përqafova prindërit

Që aq shumë i dua

Ata qenkan zgjuar

Më herët se mua

Dhe dolëm sëbashku

Të zënë dorë për dore

Në fushë, ku kanë çelur

Kaq shumë lule bore

Me gonxhe të bardha

Nën diellin si ar

Një pjesë pakan çelur

Dhe mbi trotuar

Pemët qenkan rritur

Pak më shumë se dje

Sepse  dhe ato

Festojnë bashkë me ne

Ngado ndizen zjarre

Që si fik  dot era

Ti trembim zhapikët

Që fshihen në ferra

Me fyej dhe curle

Me rite paganë

Kështu kanë vepruar

Dhe stërgjyshërit tanë

Cicërijnë zogjtë

Lumi gurgullon

Festa ka mbërritur

E bardhë si gjithmonë

Që nga Namazgjaja

Gjer tek Bezistani

Sa magjik më duket

Këtë çast Elbasani

Nga të gjithë më shumë

Ne fëmijët gëzojmë

Me lule dhe degë

Portat zbukurojmë

Na këndojnë zemrat

Dhe na ndrisin sytë

Ne me zor e prisnim

Të vinte kjo ditë

Ndaj ja marrim valles

Në çdo rrugë e shesh

Ti ndajmë lumturitë

Këtë ditë mes nesh

Gjyshet kanë gatuar

Gjer në oret e vona

Tepsi ballokumesh

Për familjet tona

Një pjesë prej tyre

Qe të shkrijnë në gojë

Do ti ndaj me shokët

Sapo ti takoj

Përmbi to kam shkruar

Edhe një urim

Paçim gjithmonë festa

Në atdheun tim.