Viron KONA: MURATI YNË I PAHARRUAR

Sot, më 23 mars 2025, Murat Gecaj do të ishte 85 vjeç

Jemi mbledhur sot ne shokë e miq,

Muratin e paharruar të nderojmë,

Muratin fjalë ëmbël dhe të dashur,

Mikun tonë të rrallë të kujtojmë.

Kaluan vite që s`e kemi mes nesh,

Gazetarin e publicistin e talentuar,

Por e kemi në zemra dhe n ‘biseda,

Njeriun shpirt bukur dhe të çmuar.

Çdo çast ai ishte në lëvizje për diku,

Për një artikull apo për një përurim,

Nxiste krijuesit, poetët e poeteshat,

Shkruante për ata me përkushtim.

Emrin, veprat, artikujt i ka në libra,

Për Shqipen dhe brengat e Kosovës,

Për trojet e mbetura jashtë kufijve,

Për gjuhën shqipe të diasporës.

Fjalë urtë, i dashur edhe i mençur,

Dhe sot nga diku Murati na shikon,

Po na pyet se çfarë kemi shkruar,

Dhe ndihmë t ‘pakursyer na ofron.

Ndiejmë se edhe sot e kemi këtu,

Me bashkëbisedat e këshillat e tij,

Me mijëra artikujt e tij plot vlerë,

Me librat humanë që s`i ka njeri.

Do t ‘donim t ‘ishim përsëri bashkë,

T ‘flisnim me të edhe të bisedonim,

T ‘buzëqeshnim, të bënim fotografi,

Mallin dhe respektin t`i tregonim.

Murati përherë do t ‘jetë mes nesh,

sot dhe sa kohë në jetë do të jemi,

portretin e tij të bukur, të sinqertë,

në zemrat tona, të artë do ta kemi.

1 Comment