Vijn nga Bregu i Detit ,
Jam nisur !
Dhe Ju ,me deren hapur,
Veshtroni nga rruga ,
Duke me pritur.
Gotat,tavolinat ,
I keni shtruar ,
Si per asnje tjeter !
Po ...si per miq te paharruar ,
Miq te mire te vjeter !
Une... nje tufe vjershash ,
Do t'ju bie.
T'jua mbjell ,
Ne tavolinen e zemres !
Vjersha,
Me dashuri perendie ,
Me bukurine ,
Dhe bujarine e nenes!
Nga Bregu i Madherishem i Detit ,
Vij!
Nga viset eremira te dafinave!
Vrapoj !
Sa me shpejt te arrij ,
Nga viset e violinave ,bilbilave!
Ja !...Erdha!...
Ne prehrin Tuaj te ngrohte !
Nje tufe vjershash,
I derdha me merak !
Dhe pastaj,nga zemra ,
Dua te vdes.
Si i lashti Maratonomak!
Une jam bir i Bregut te Detit ,
Nga ky vend me sa shume diell !
Nga ky vend me sa shume hene !
Ketu ,froni i kenges,me i larte se i Mbretit ,
Une jam biri i Bregut te Detit .
Jepi kenges nostalgjike, poet!
Mes basmes se kalter te Qiellit ,
Jepi kenges magjike ,o poet!
Jepi kenges...o kalores i kenges,poet!
Mes Rivieres se Arte te Diellit.
Dua te rrebelohem ne Rivieren time ,
Dua te çmendem ,te prehem,te rri.
Dua te dehem nga nje kenge gjeraqine,
Te humbas ne dafina,te zhytem ne kujtime,
Dua te cmendem,te prehem,te rri.
Zbres!Vala e detit shfryn ashper ne breg,
Here e serte,here e trishtuar,
Dufi i vales me perndjek,me djeg,
Per nje histori te dhimbshme,te shkuar
Ikij! Vala e detit shfryn ashper ne breg.
Vij nga Bregu i Detit,
Nga viset e ngrohta,
Nga viset e trendelines,
Nga kenget hyjnore te bilbilave,
Nga era dehese e dafines,
Midis dy kaltersive joniane,
Nje gjelberim i harlisur vershon,
Drejt detit Jon!
Nga majat e maleve kristale,
Kodrat doreperdore zbresin ne valle,
Me dalgen e bardhe qe ne breg
Shkumbezon!
Vij nga kkopshtet vetullore,
Ketu ka pafund vetulla te gjelbra,
Vetulla te kuqe, vetulla te verdha,
Ngjyer me ullinj,portokalle e limon,
Bukuri e virgjer vajzerore,
Sa bukur natyra vizaton!
Une vij nga Breg' i Detit,
Nga kjo Perle e Natyres,
Qe nuk iu perkul Dovletit,
As Ali Pahe Menxyres!
Nuk pajtohem me servilet,
Nuk behem miq me katilet,
Dua te rri me te miret,
Ne freskun e leht' te eres,
Une vij nga Bregu i Detit,
Nga kjo Perle e Rivieres!
Disa hiqen se jan' trima,
"Te intelektit, te penes"
Dalin ne ring posi "Diva"
Tremben nga Mullinjt e Eres,
Une vij nga Breg'i Detit,
Nga kjo Perle e Rivieres!
Edhe shkrujne "poezira"
Nga skutat e humbetires...
Une!... Une vij nga Breg'i Detit,
Nga kjo Perle e Natyres!
Ideal Serjani
