VARIACIONE

VARIACIONE

Kolazh poetik nga Kozma Gjergji

PSE ARMATOSEN?!

Shtetet e mëdhej

Për rivalitete

Hipopotamësh dhe elefantësh.

Shtetet asnjanëse

Veçse për të

Forcuar asnjanësinë.

Shtetet e mesme që të

Mbrohen nga cunam agresionesh

Të fqinjëve të veckël…

Luftërat gjejnë

Kurdoherë pretekste

Të shpërthejn.

DREJTËSIA

A mund të lindin

Fruta të mirë

Nga Pema e

Padrejtësisë?!

PUSHTETARËT

Me lekët e taksapaguesve

Ngritën për vete biznese.

Për mirënjohje atyre

Iu punësuan në to

Bijtë dhe bijat.

ZJARRI

E kërcënoi ujin

Ta zhdukte,

Dhe tmerrshëm

Nisi luftën.

Në finale ishte

Zjarri ai që e

Humbi luftën.

DASHURIA

E vetmja

Krijesë që

Shikon me

Çdo pjesë

Të trupit.

MË QARTË

Sytë e larë

Nga lotët

Shikojnë

Më qartë.

TIRANI

Kur vdiq tirani

Festuam me të pirë.

Ngordhja e ujkut-

Gëzim e shëndet

I bagëtisë.

ATDHEU

Në çdo vend ku mërgova

Fati më priu për mirë,

Po atdheu ishte dhe mbeti

Qëndra e gravitetit tim.

PLEQËRIA

I ngjan atij

Zjarrit që

Ngroh pak

E tymon

Shumë.

POETËT

Grindeshin se kush janë

Vargjet më të mirë:

Ata me rimë apo të thyer,

Të bardhë, strofik?...

Për t'i vënë pikë

Pyetën më të talentuarin

I cili iu përgjigj:

Nga të gjithë llojet pëlqej

E shijojë vargjet me fiq.