top of page

TRE POEZI NGA MYSLIM MASKA



DIALOG…

Kujtimit të paharruar të miqëve te mi, poetit Zoi Dashi dhe shkrimtarit Astrit Hajdini.

_ E vrave?

-Po!

-Kë vrave?

_Veten time! (Tërë jeten s’ke vrarë asnjë zog)…

-Po pse o i bukur

Ç’i bëre ti jetës?...

-Ku di unë i shkreti!,

Mbase quajta ËNGJËLL

Të “Vërtetën”… 26- 8 – 2021. Athinë.

DIALOG ME SHKRIMTARIN ASTRIT HAJDINI

ASTRIT! Të solla te varri

Një shishe raki.

Ngrihu dhe pije, Gëzuar, Myslimi.

Fshehurazi nga të vdekurit

Megjithëse aty ka dhe të mënçur dhe të çmendur

Të bukur dhe engjëj, dhe fundërina

Siç më ke thënë Ti.

Më vonë ,

Të shkruash një tregim të rrallë

Si ata që le pas:

Si “THIA SULU” dhe “Varret e Z. PUSTINA”

DRITË paç

O DRITË E RRALLË. 26 NENTOR 2022.

NJË PROSTITUTE…

Bukuroshja ime, përse vallë

Të rrëmbeu djalli e të hodhi

Në greminë, nga ku asnjë e gjalllë

Dhe me ndihmë të Zotit, dot nuk doli.

Patjetër ke diçka prej Perëndie

Gjersa magjeps djemtë i lë pa mend,

Gjersa vijnë pleqtë dhe pleqërisht

Zvarriten si kërminj e të përjargin.

Ç’punë do prishte vesa si një ëndërr?...

Po si t’ia bëj unë dhimbjes, zemrës sime,

Që s’të nxjerr dot prej llumit ku ke rënë?...

43 views2 comments

Shkrimet e fundit

fjalaelireloadinggif.gif
bottom of page