TRE LIRIKA NGA MYSLIM MASKA
ËNGJEJT’’…
Më vranë
Nuk e di pse…
Vajta në Kishë,
Në xhami,
Në Teqe
Askush nuk më tha përse!
Kur më percollën me arkivol
Dëgjova një zë
Ashtu kot,
Ëngjëjt s’duhet të rrojnë
Në këtë botë…
KUR DITA VDIQ
Kur dita vdiq,
Nata e ngushëlloi
Me miliarda qirinjë yjesh…
Të dashuruarit u marramendën,
u puthën.
Të nesërmen,
Lindën skllevër të rinj,
Por më të bukur…
Dhjetor, 2021, Athinë.
MUA MOS MË QANI…
Mua,
Mos më qani kur të vdes!
Do më qajnë milingonat,
Lulet, zogjtë që i desha shumë,
Nënë Esmaja do ngrihet nga varri
Dhe do më puthi në ballë
Siç e putha unë…
28 Dhjetor, 2021, Athinë.
