Syri i Artistit


Fitim Haxhiraj

Syri i Artistit

(Një poezi e shkruar herët për Artmbjellësin Fitim Haxhiraj)

Fatmir Terziu

Ende Pylli i Sodës ka partiturën e qiellit të vet

dielli bën xhirron e kohës nën shoqërinë e stërkalave të Detit

u stacionua edhe pikla e fundit e djersës në sytë e Artistit

mbi maja pishash

retë e Vjeshtës shkruajnë pa nota

skenari zbret në të bardhë

ritmikisht

një ëndërr e gjallë,

gjyshi, djali, nipi … e plot një sallë*

kaloi duartrokitja për të gjetur një Kryefjalë

sesi bën urtia jote metromoni në kujtesën e tik-takut

ishte e sotmja,

e djeshmja anoreksike me menu grykësie,

shtronte sallatra në gjuhë të lodhura,

gjallëri

renditje

qashtër

duartrokitje

e paharruara e mbetur mes mureve

jashtë pemëve

ku gjethet bëhen kurban për gjeneratat…

…syri i Artistit

bën artin e radhës nga rëra e harresës…

Shënim: *Në sallën e Universitetit të Vlorës, gjatë një promovimi të librave të shkrimtares, Vilhelme Vrana Haxhiraj “Mjeshtër i Madh”.



56 views1 comment

Shkrimet e fundit