SI TI, BABA


Faslli Haliti

FASLLI HALITI


SI TI, BABA


Edhe unë si ti, baba,

Kam filluar

T’i heq këmbët zvarrë

Siç i hiqje edhe ti

Dikur,

Kur ti ishe saç jam sot unë.

Edhe mua, baba,

Kanë filluar

Të më dridhen duart

Siç të dridheshin ty

Dikur,

Kur ti ishe, saç jam sot unë.

Edhe mua, baba,

Ka filluar

Të më derdhet filxhani i kafesë,

Siç të derdhej ty dikur

Sapo e vije

Në buzë,

Kur ishe kaq saç jam sot unë...

Edhe unë

Si ti,

Baba,

Shkoj shpesh në toilet,

Siç shkoje dhe ti dikur,

Atëherë

Kur ishe kaq saç jam sot unë.

Ti po qan,

Baba ?

Si,

Ti nuk do

Që unë të vij në Had tek ti,

Të të tregoj për jetën dhe peripecitë

Këtu mbi tokë,

Mbi dheun

E zi.

Të pimë

Një kafe

Babë e bir ?

Të të tregoj sinqerisht baba

Është më mirë në tokë, a në Had, më mirë ?


#faslli #haliti

22 views

Shkrimet e fundit