Sakip Cami: Cikël poetik për vendlindjen me vargje sipas titullit

DIBRA

Dritare diturie, sofër bujarie

Idhull shqiptarie, shembull urtësie

Bashkë me Kosovën dhe Çamërinë

Rendite hallet për të qarë

Arriti kohë e Arbërisë, gëzohuni !

KORABI

Kryekështjellë  e Shqipërisë

Oxhak trimërie, log burrërie

Rrëzë teje Drini shushurit

A thua janë vëllezër binjakë

Betejë pas beteje fitoret rendit

I qofshim falë, strehës së Perëndisë

DRINI

Desha ta imitoja vrullin e tij

Rrebeshe kaloi e rrebeshe përballon

I ashpër, i bukur, i kristaltë

Nga Driloni në Rozafë

I shtrin krahët dhe dritë lëshon

SHQIPËRIA

Shqiponja nga flamuri

Hap krahët, fluturon

Qielli e pret si bijën e tij

I lëshon za bijve të saj.

Prej fjalës së lirë

Ëngjëjt flenë gjokszbuluar

Rrituni ju, o ëngjëj

I kam falur siguri e ardhmëri

Arbërisë tej e mbanë. 

FLAMURI

Fluturo mbi male, shqiponjë e lirë

Liria për ty, ajri që thith

Atdheu yt, Shqipëria e shqiponjave

Mu në mes të saj krahët i ka shtrirë

Ulur mbi gjak, gjaku të rinon

Rritur mbi plagë, plagët të lartojnë

I thuaj botës mbarë: “Jam Shqipëria”.

VALBONA

Valë valë ulesh e ngrihesh

A thua je zanë, a thua je lumë

Lumi më i bukur, më i kristaltë

Bona të thërras si bijën time

Oh, ju të dyja mua po më çmëndni

Nisu drejt meje, malli po më bren

A nuk e shihni se po zbardhem ?!

LIRIA

Lëshoje fjalën lirisht

Idhulli i fjalës së lirë, e vërteta

Rrite fëmijën trimërisht

I  thuaj jo padrejtësive

Asgjë nuk është e përsosur pambarimisht

NËNAT

Në këmbë qëndrojnë ditë e natë

Ëndrrat t’i rrisin të lira

Në zemra mbajnë fëmijët, në sy

Asgjë s’i ndan nga fëmija

Të bukurat, të urtat, të mirat.