Sadik Përvetica: GJENDJE ALARMANTE NË ARSIMIN GJITHËSHQIPTAR

Gjendja aktuale në edukimin dhe arsimimin e brezave të rinj në të dy shtetet shqiptare, ka arritur pikën më të ulët. Kjo gjendje nuk është, kurrsesi, me fajin e mësimdhënësve, por është me fajin e politikës. Me fajin e politikës, e cila ka përçarë e shkapërderdhur, si mos më keq, të gjithë prindërit dhe të gjithë të tjerët: nëpër parti politike! E niveli i ulët I INTERESIMIT DHE I VETËDIJES SË SHUMICËS SË PRINDËRVE për përgjegjësitë që kanë dhe duhet të kenë në zhvillimin dhe në edukimin normal të fëmijëve të tyre, ka bërë që pikërisht shumica e prindërve: (të përfshirë në dinamikën e jetës)të harrojnë dhe të lënë anash interesin primar të edukimit të fëmijëve të vet! Dhe  nga ana tjetër, disa prej tyre: edhe të merren me punë të prapshta e të studiojnë  e hetojnë se cilën parti  simpatizon secili mësimdhënës i fëmijëve të tyre!!! Pastaj, në mbështetje të këtij hulumtimi...të flasin keq për ndonjë mësimdhënës, bile edhe në prani të fëmijëve! Në këtë mënyrë të pavetëdijshme për dëmin që i shkaktojnë edukimit të fëmijëve të vet, prindërit e pakujdesshëm dhe të pandërgjegjshëm sulmojnë e denigrojnë gjithë punën e mësimdhënësve!  Kështu, në vend se të jenë hallka kryesore stimuluese që ndërludh punën e mësimfhënlsve me nxënëdit në një edukim të shëndoshë të fëmijëve të vet, dhe në vend se të angazhohen dhe ta përkrahin e ta stimulojnë mësimdhënësin në punën edukative arsimore, si dhe në nxitjen e fëmijëve të vet për ta dashur, respektuar e vlerësuar lart punën e mësimdhënësve dhe për t'i kushtuar vëmendje më të madhe mësimit në shkollë, në mënyrë të pavetëdijshme prindërit e pakujdesshëm bëhen pengesë kryesore në arritjen e qëllimeve madhore në edukimin e fëmijëve të vet!

2. Si problem i dytë madhor në përpjekjet për një edukim të shëndoshë të brezit të ri: prapë dalin PRINDËRIT jo të KUJDESSHËM DHE jo të PËRGJEGJSHËM të fëmijëve të vet! Të atyre fëmijëve që qëndrojnë, krejtësisht, jashtë kontrollit të prindërve: edhe para dhe pas orëve të mësimit! Në këtë mënyrë, fëmijët e tyre bijnë pre e shoqërive të këqija,... e përdorimit të drogës e të duhanit, si dhe e devijimeve të shumëllojshme aktuale, të cilat i shohim në çdo hap dhe në çdo cep të hapësirave publike tona, por të cilat NUK i shohin edhe prindërit e papërgjegjshëm!

Mu për këtë, është koha e fundit që kujdestarët e klasave të mbajnë mbledhje të shpeshta me prindërit e çdo klase, ku do të flitet haptas për të gjitha llojet e devijimeve dhe të dukurive negative që po përcjellin dhe po kërcënojnë e degradojnë gjithë punën e mirë dhe gjithë mundin e përpjekjet e përgjithshme shoqërore për ta ngritur punën edukative arsimore në nivele sa më të larta. Sepse vetëm  ky angazhim i përbashkët dhe i përgjithshëm i të gjithë faktorëve shoqërorë shtyn në binarët e duhur punën e domosdoshme dhe të suksesshne nëpër shkollat tona.

SHËNIM MBI AUTORIN: Sadik Përvetica lindi në fshatin Breznicë, rrethi i Prishtinës. Disa vjet punoi si mësues në vendlindje, kurse pas kryerjes së studimeve në Universitetin e Prishtinës, punoi si profesor i Gjuhës dhe i Letërsisë Shqipe në një shkollë të mesme, për të vazhduar punën, më vonë, edhe si gazetar, lektor e redaktor në Radio-Prishtinë, më vonë edhe në Radio Kosovë, si dhe në disa gazeta e revista të kohës. Është fitues i disa çmimeve letrare për tregime dhe për pjesë teatrale. Shkruan prozë, poezi, drama, vështrime letrare, ese dhe publicistikë. Deri më tani ka botuar 14 vepra letrare. Jeton në Prishtinë.