Ruzhdi Gole: SYRI I TRETË

SYRI I  TRETË

(Cikël Poetik)

Gjelbërisht

Si shkohet gjer tek deti

duke ecur me pemët ?

Fari afër buzagaz

pak i vranët

çel vetëm.

Syri më i madh i zjarrtë i qytetit

kthjellët jeton, ndizet natën,

rrallë bën jetë qiriu

jo afër mes tonë

pak mardhët.

Asnjë pipëtimë s'ka rreth tij

asnjë valë, asnjë rreze

veç tela gardhe

së gjalli,

tek drita e tij s'shkoj dot

të paktën dallgët

t'i'a kaltërojnë

syrin

t'i'a shuajnë

etjen

pemët

gjelbërisht

t'i'a përqafojnë

butë - butë mallin...

Si arrihet tek deti, tek syri i dritës.?..

SYRI I TRETË

Udhëtimi është syri i tretë i njeriut

operetë gazmore në çdo përjetim,

një ndeshje futbolli

pa tribunë qëndrore

një lojë pingpongu me topin

top bore , një kalitje mali

me shpendin alpin.

Udhëtimi rrokullisja e vetes mbi bar

një grep peshkimi në vapë ngricë, 

një grua të cilës i shkon

pas ngadalë

një përqafje mikpritëse

me drurët pa kollë

rreth qafës pa shall

me hap romantik,

syri i tretë i fundit përjetim

një kalitje mali përkrah

me shpendin alpin.

ÇAJ SHIU

Gjithçka përkujtohet lart në qiell

prej dyshimeve tona vonë

ngazëllehemi poshtë

poshtë jemi

tjetër Ere

koha jonë.

Fluturojmë këtë mesnatë të re maji

për të zbritur pa asnjë dyshim

nuk pendohemi pse qiellit

s'i lypëm një çaj

çaj shirash

përkujtim.

Ngazëllehemi jehona

dyshimeve tona.

NJITASH VESË

Tek ky bregdet shëtit vet Zoti

shtat mesatar, shëndet hollak

qysh se ka le bota gjer sotmi

askush s'e sheh,

e shohim cak.

.

Tek ky bregdet plot guralecë

këmbët e Zotit butë -  butë

me heshtjen heshtur

pa të rreptë

Zoti  ndjell veten të tjerët zbut.

Tek ky bregdet ndonjëherë lajthitur

njitash prej bote ngricë e vesë

Zoti jeton ... është i parritur

më pak i mplakur

se bota vet.

REGËTIMA

Më pak se gjysmë ore

për t'u ngjit në kodër

Era për një minutë

pishave ua kreh

flokët,

Pylli

sytë e tij

minutën tjetër

ua afron zogjve

të shohim më kthjellët.

Gjelbërimi ngjitet kodrës

plot regëtima

gjithë jetën.

MEKË TJETËR

Poetika përhera përmallet

të jetë për njeriun

Mekë e fjalëve...

ORBITË MUZIKE

Endja luan në organo

psalme të mbrëmjes

pëshpërimat e reja

të fatthënave.

Tek kulla prej orbite Anzhuji

me muzikantët më të rinj.

Kjo endje në organo

pëshpërit psalme,

mbrëmja falet...

VETJA

Ti ... shembëlltyra e një tjetri

sy i dikujt, timpan

i tjetër veshi.

Ti... vetëm ti...!!!

Në mos : rrezja s'ka krahë

të të ngjis epërmi

shembëlltyra

veç të zbret

tëposhtë...

Ti... vetëm ti...!!!!