R.I.P. - Qoftë e paharruar Lujeta Nuzi.

Luljeta Nuzi, një nga aktivistet e hershme të Komunitetit shqiptar në Britani të Madhe, themeluese dhe drejtuese e shoqatës „Shpresa Programme“ ka ndërruar jetë, pas një beteje të madhe me një sëmundje të pashërueshme, duke lënë pas një shërbim të madh komunitar dhe familjen e saj të mrekullueshme. Në lotë janë përfshirë aktivistët, miqtë dhe vullnetarët sikurse të gjithë ata që e kanë njohur nga afër.

Luljeta Nuzi ishte fituese e çmimit të nderit në vitin 2012. Kur Luljeta erdhi në Londër nga Shqipëria në vitin 1999 me familjen e saj që kërkonte strehim, ajo ishte e izoluar dhe e dëshpëruar për të mësuar gjuhën angleze. Një përzierje zemërimi dhe mirënjohjeje e motivonte atë të bënte punë vullnetare - zemërim, sepse ishte keqinformuar për mbështetjen që do të gjente dhe mirënjohje, sepse një projekt lokal e ndihmoi të ecte përpara me forcat e saj. "Gjithçka kam mësuar, e kam ndarë me komunitetin tim", thoshte ajo dhe në vitin 2001 themeloi Programin "Shpresa". Në kohën që ajo arriti me punë të madhe, organizata kishte nëntë të punësuar, 52 vullnetarë aktivë, ofronte shërbime në shtatë bashki dhe bën fushata në nivel kombëtar. Modeli i integrimit të Shpresë-s, të cilin Luljeta e ndanet lirisht, shpesh duke mentoruar organizata të tjera të komunitetit, ishte të punojë në partneritet për t'i bërë shërbimet të aksesueshme dhe të krijojë të reja vetëm atëherë nëse askush tjetër nuk mund të ndihmojë.

Propozuesi i saj thoshte për të: "Në zemër të Shpresës është një besim që komunitetet mund dhe e sjellin vetë ndryshimin. Shpresa, nën udhëheqjen e Luljetës, ka ushqyer një brez personash të rinj shqipfolës të angazhuar, qytetarë aktivë dhe me shumë arritje. Kjo është një arritje e jashtëzakonshme dhe hap një shteg për grupet e tjera të refugjatëve dhe të emigrantëve".

I qoftë shpirti në Parajsë dhe ngushëllime famijarëve dhe të gjithë miqve të saj.