Anëtari i komunitetit shqiptar, biznesmeni i suksesshëm, Qazim Sokoli, shpërndau në rrjett sociale me pak fjalë për humbjen e një miku të dashur të tij. Ai shkruajti thjesht, por me një kuptim të madh „Miku jem i dashur IMER JAKU qofsh banor i xhenetit ti ishe mik i shtrenjtë i ARIF SOKOLIT dhe ndaj do te jesh gjithmone ne zemrat tona!“
Ikja e tij, ikja e një miku është e dhimbshme. E dhimbshme për familjarët, po aq dhe për miqtë dhe ata që e kanë njohur, por ajo që vlen të shënohet është respekti që ka lënë pas, dhe respekti me të cilin ai përcillet në amshim. Këtë e tregojnë dhe qindra e qindra komente ngushëlluese në faqen e z Qazim Sokoli, ku ai ka njoftuar ikjen e të ndjerit Imer Jaka. Kështu ai mbetet një i kujtuar me respektin që gëzoi dhe la për të Tjerët. Jo më kot Xhorxh Eliot do të shkruante se të vdekurit tanë nuk janë kurrë të vdekur për ne, derisa ne t'i harrojmë ata.
