Pozaet Qose: PABESI E PËRLOTUR

-Kujtimit të mikut tim, Pirro Verushi-

I rëndë ky gjumi yt,

Si guri në thellëdet.

Po çeli, pra, ti sytë,

Se nëna po të pret!

Se zonja, bashkë me djemtë,

Të presin mu në portë,

T'u thuash mirëmëngjes,

Si bëre gjer më sot.

Vëllezërit, buzagaz,

Të presin për gosti

Dhe motra, që nga larg,

Me lotin flet tani.

Ke humbur ti në gjumë

Përgjigje s'u jep dot

As fjalën nazeshumë

S'e fton pranë vetes sot.

Eh, Pirro, veç një herë

U bëre i pabesë,

Kur  fryma, që t'u shter,

Për ne u bë kujtesë!