top of page

Pedalimi mbrapa

Updated: Jan 5


Pedalimi mbrapa



Nënë Shqipëri, nënë e kuqe gjaku, na mbaj afër dhe larg skuqjeve dhe përskuqjeve të reja e të vjetra. Lëreni dhimbjen të kalojë në cepin e grisur të Historisë dhe të vetë histerisë. Na mbaj. Mbajini ato lotë, mbajini ato grushta, mbajini ato skuqje, ato përskuqje. Kur budallenjtë luten që të vdekurit të ringjallen. Na mbro nga gënjeshtrat e tyre. Lërini të pushojnë. Le të gjejnë paqen viktimat e aksidentit propagandistik.

Nënë e kuqe gjaku, na mbaj fort. Kur brothma e armatës irrituese takon shiritin e papagallit dhe kafka e dehur e përshëndet gjithashtu. Rubinë iu derdh nga koka. Gjak u mbush koha, historia, jeta, rruga, e djeshmja, e sotmja, e ardhmja. Gjak! Gjak edhe nga ai ku pikojnë lotët e tij. Unë mendoj se ai mendoi se kishte vdekur. Mbajeni atë me një himn. Ftojeni panikun të shkojë në këndin e vetë. Një kurorë xhevahirësh. Mjeku ndihmës…



Shenjtore e kuqe gjaku, na mbaj fort. Mos e urreni të ardhmen e fëmijëve, ose mos e romantizoni të kaluarën mes gjakut. Barku juaj, ai na bekoi. A ka mbetur ndonjë bekim për ne? Një djalë që nuk është djali yt? Një djalë që vendos kokën në një gomë të fryrë, që media e quan gomone?! Gjakderdhje në hapësirë propagandistike. Lëre të jetë të paktën një e vërtetë. Lëre në jetë! Mos ia trego rrugën e paudhë për hir të një kafshate. Mos! Mos! Mos! Nënë Shqipëri, nënë e kuqe gjaku, na mbaj afër dhe larg skuqjeve dhe përskuqjeve të reja e të vjetra.

A nuk është ky Pedalimi mbrapa?! Ti më the se nuk pe gjak? A ka gjak më të kuq se ai kur të prishin gjakun aventura të tilla? Jo. Ky është pedalimi mbrapa. Nuk është thjesht aksident historik…

43 views7 comments

7 Comments


Fatmir Terziu

Klejda Plangarica respekte. Sidoqoftë përsiatja, ose ajo që e bashkon në këtë pikë është një bindje, ose një faturë gjuhë- komunikues që meton tek eartet bindëse, si një term ombrellë për ndikimin e mesazhit nga realiteti. Dhe si e tillë është vetë forca e artit të fjalës, që tenton dhe mund të ndikojë në besimet, qëndrimet, synimet, motivimet ose sjelljet e sotme. Sikurse dihet ajo nga forca e saj dhe sublimitetitdiksursiv studiohet në shumë disiplina. Retorika si forcë në shembullin aktual studion mënyrat e përsiatjes në të folur dhe të shkruar dhe shpesh mësohet si lëndë klasike, ndaj respektohet në leximin mesazhdhënës. Të falenderoj dhe një herë.

Like

Klejda Plangarica

Përsiatje e arrirë! Ju lumtë Fatmir!

Like

Fatmir Terziu

Timo Merkuri faleminderit. Dhimbjet, plagët, durimi, heshtjet, sikurse dhe Lotët janë fjalë që duhen shkruar, i nderuar miku im Timo. Nuk duhet të shkohet më shumë e më tutje me vetëm „Ose kështu tha ai Zoti i rinisë sime, ai që në heshtjen tonë ishte një ditunak libërtrashë, mendjeshumëmadh. Edhe në të sotmen me të njëtën faturë? Atdheu është grimi i syrit tonë, është perla e dihamës sonë në qelqërinë e shpirtit dhe ne nuk duhet të pranojmë për ta lënë pikëllimin të grumbullohet. Plagët e hapura nga stigmat e vjetar e të reja, shpallimet me didktat dhe diktoformë janë një mesazh i gabuar. Brezat që do të lëmë pas nuk duhet të kenë më dekada të tjera frike.…

Like

Timo Merkuri

Kështu shkruhen psalmet, hymnet dhe lavdet drejtuar Zotit dhe tashmë Fatmir Terziu lëvdon, hyjnizon dhe hymnizon Atdheun me ritualin e këngës së shënjtë. Asnjë formë dhe stil kënge nuk e hyjnizon më tepër Atdheun. Ju lumtë Fatmir Terziu. Gjetje brilante.

Like

Pano Hallko

Fatmir Terziu, Të falënderoj shumë! Më bën të ndihem mirë, fakti që nuk bëj pjesë, as në prodhimin, e as në konsumin e sheqer pareve.

Like

Shkrimet e fundit

fjalaelireloadinggif.gif
bottom of page