Panajot Boli: MË NDODH SHPESH
Më ndodh shpesh...
Tek shikoj një gjethe që bie
Aty,
Në plagën e hapur të mëmës
Sythët e gjelberimit rizgjohen
Më ndodh shpesh...
Tek shikoj një lule të çelur
Aty,
Në farën që ngjizet me diellin
Ringjallja zgjat duart e qeshur
Më ndodh shpesh...
Tek shikoj një lot që rreshqet
Aty,
Në dhimbjen që tretet ngadalë
Shpirti hap perden për ditën e re
Më ndodh shpesh...
Tek shikoj buzëqeshjen e një vajze
Aty,
Në ngjyrën e petaleve të lumturisë
Dashuria ngazellehet, oh sa ëmbël
Më ndodh shpesh...
Tek shikoj sytë e detit tim Jon
Aty,
Në kërkim të përlës si zhytës
Mat dhe thellësitë e shpirtit tend
Më ndodh shpesh...
Vertet shpesh...
Kur kundroj sytë e tu të mënduar..
101.KUR FRYN ERË..
Kur fryn erë
Dhe malet tundin kesulën e bardhë,
Dera e gjoksit tim rri hapur
Kur fryn erë
Dhe pjalmi i luleve kërkon strehë,
Dritarja e gjoksit tim rri hapur
Kur fryn erë
Dhe flokët e tua kercejnë si flutura,
Lendina e gjoksit tim hap krahët
SA HERË BIE SHI
Sa herë bie shi
Në supet e shpirtit tim vjen i paftuar
Një çarçaf malli
Një çarçaf gri
Sa herë bie shi
I trembur kërkoj sytë e tu si yjet e humbur
Në qiellin e pafund
Në qiellin zymtësi
Sa herë bie shi
Dhimbjen tende shikoj se si rigon si lotë
Si tingull i athët
Si tingul ‘ah’në gji
Sa herë bie sh
Me peshqir dua të fshij qiellin e lotuar
Me dashuri ta thaj
Dhe të puth ato sy
Sa herë bie shi
Kujtimet ulen në piano e luajnë
Një vals brenge
Një vals melankoli
Sa herë bie sh,i kujtimet ulen në piano..
TË KËRKOJ FENERIN, DIOGJEN
Me një fener të ndezur në dorë Diogjeni
Njerinë kërkonte
Mes turmës laramane
Me një zemër në dorë që më dha shpirti
Dashurinë po kërkoj
Mes dashurive të lodhura
Me një dorë gjak në gjembat e trendafilit
Petalet e lules kërkoj
Të më sherojnë plagët
Diogjeni e unë me zemrën e dorën gjak
Kalërojmë me Shpresën
Monopatit të panjohur
Monopati është shumë i rrepirë, i ashpër
Një dorë nuk zgjatet
Të mbaj frerin e kalit
Monopati dredhon anës humnerës, tutje
Nuk duket as dashuria
T’i jap kurajo shpresës
Eh, more Diogjen, i urti , madheshtor
Në shekullin e 21 të zgjova
Hua të më japesh fenerin
