Nëna ime lexon poezi
2 pako peta të gatshme të tullura hollë
2 filxhanë kafeje gjalpë i shkrirë
një kilogram mollë
1 filxhan thërrime biskota
1 filxhan arra të shtypura
2 filxhanë kafeje sheqer
1 pako pluhur kanelle.
Lan mollët, i qërron
dhe u heq farat, i pret
në shirita të mëdhenj, i përzien
me sheqerin, arrat e shtypura
dhe kanellën.
Merr një petë të tullur hollë,
e lyen atë
dhe e mbulon me një petë tjetër.
Përhap pak nga përzierja e mollës
mbi to dhe i rrotullon
prapë së bashku. Përsërit
me petët e tjera të tullura hollë.
I lyen dhe i pjek
në nxehtësi mesatare, deri sa
pjesa e sipërme është e kuqe,
dhe pjesa e poshtme rozë.
Kur e pjek, rrotullama është një ëmbëlsirë,
por tani për tani është ende një poezi.
Përktheu: Fatmir Terziu
Shënim: Georgi Gospodinov është shkrimtar, poet dhe dramaturg me banim në Sofje, Bullgari. Ai është një nga autorët bullgarë më të përkthyer pas vitit 1989. Gospodinov ka katër libra me poezi të vlerësuara me çmime letrare kombëtare. Së pari, libri i tij „Lapidarium“, fitoi Çmimin Kombëtar të Debutimit.
