“Njeriu gol” i futbollit shqiptar


Ilir Përnaska, “Njeriu gol” i futbollit shqiptar


Padyshim nje nga futbollistet me te medhenj dhe me emocionues te historise se futbollit shqiptar.

Pernaska mbahet mend si nje lojtar bukurosh, i forte si hekuri, i shpejte si era dhe finalizues goli si ai…

“Aventura” futbollistike e “bomberit” te ardhshem fillon qe femije 13 vjeçar me ekipin e Tiranes( 17 Nentori). Ketu qendroi pak kohe, pasi traineri Xhavit Demneri nuk e aktivizoi duke mos besuar ne treguesit e tij fizike… Ndoshta eshte “gabimi” i vetem i seleksionuesit te njohur te talenteve te futbollit shqiptar. Imagjinoni sikur Pernaska te qendronte te Tirana… Skuadra kryeqytetase me Pernasken ne fushe nuk do te kishte per te pakten 10 vjet te tjera rivale per titullin…

Pernaska i ri me shume besim ne kapacitetet e tij kalon tek skuadra e para te rinjve te Dinamos me trainer Leonidha Dashi. Nje vit me vone ben pjese ne ekipin e te rinjve dinamovite me trainer Skender Begeja, qe pelqeu shume vecori sportive te tij. I madhi Begeja kishte “nuhatje” kampionesh… 20 vjet me pare kishte zbuluar legjenden Skender Jareci… dhe pas 20 vjetesh i dorezon vete Skender Jarecit , legjenden e ardhshme dinamovite ILIR PERNASKA…

“Guardiola” shqiptar i asaj kohe, Skender Jareci besoi tek dinamizmi dhe talenti i ketij djaloshi simpatik dhe nuk gaboi…

Pernaska u be pjese e ekipit te te rriturve te Dinamos qysh ne moshen 16-vjeçare.

Debutoi ne vitin 1967 kunder Traktorit te Lushnjes ne transferte, duke ndihmuar Dinamon ne fitoren 3-1 me dy gola qe mbajne nenshkrimin e tij.

Pernaska u be simboli i golit ne futbollin shqiptar per me se nje dekade duke fituar me Dinamon me te madhe te historise se saj 5 kampionate kombetare (1972–73, 1974–75, 1975–76, 1976–77, 1979–80), tri Kupa Republike (1970–71, 1973–74, 1977–78), dy Ppartakiada Kombetare (1974, 1979), 6 here rradhazi golshenuesi me i mire i kampionatit shqiptar (1972- 1977).

Pernaska bashke me Iliaz Çeçon, Shyqyri Ballgjinin, Vasillaq Zerin, Faruk Sejdinin, Gani Xhafen, Frederik Gjinalin, Jani Ramen, Ahmet Ahmedanin, Ilir Luarasin, Rifat Ibershimin, Haxhi Mergjyshin,Taip Çutren, Ibrahim Kodren, Torez Çirakun,Kujtim Çocolin, Muhedin Targaj, Andrea Markon, Artur Çobanin, Aleko Bregun, Halit Gegen, Agron Dautaj etj, ishin emblemat e Dinamos te madhe te viteve 70′.

Pernaska-Zeri-Ballgjini mbetet trinomi me i madh dhe i paperseritshem i futbollit shqiptar.

Luajten ne nje kohe kur nuk fituan asgje materiale. Luajten me ndershmeri dhe talent per gezimin tone ne kohe te veshtira dhe mbeten idhujt tane…qe kurre nuk i harruam.

Kurre nuk mund te harroj parrullen e madhe ne tribunen karshi te stadiumit “Qemal Stafa”: “Pernaska Gol”, sepse Pernaska ishte sinonim i golit.

Mbreti i golit ka edhe nje rekord tjeter… 4 gola ne nje ndeshje zyrtare nderkombetare ne vitin 1975 (Kupa Ballkanike) ne rradhet e Tiranes ( kunder skuadres greke Panionios 6-0). Asnje tjeter futbollist shqiptar nuk ka shenuar 4 gola ne nje ndeshje nderkombetare zyrtare.

Ai ishte nje Myler ne realizimin e golave (shenoi rreth 265 gola ne karrieren e tij) dhe nje Kevin Kigan ne lojen e shpejte, luften per top te pare apo goditjet me koke.

Nqs Zhega dhe Murati ishin “mbreter” te ajrit, Pernaska ishte luftetari me i shquar ne shenimin e golave me koke. Jo ne pak raste fuste koken atje ku nuk guxohej te futej kemba…

“Guerin Sportivo”, revista shekullore sportive italiane, duke iu referuar IFFHS-së, bazuar në statistikat e regjistruara, arkivit e saj, bashkë me shkrimin informues, ka publikuar edhe listen e golshenuesve me te mire te kampionateve evropiane ne rang klubesh te shekullit XX

Emri i Ilir Përnaskës eshte në vendin e 4-të. Renditjen e kryeson suedezi Nordalh me 9 herë golashënues radhazi (në dy kampionate, atë suedez katër herë me Norrkoping dhe 5 herë në atë italian me Milanin). Me 8 herë vijnë Sotiris Kajafos (Qipro), Ferenc Puskas (4 Hungari, 4 Spanjë). Në kuotën e 7 herë shënues radhazi është hungarezi Imre Schlosser dhe gjiganti Gerd Muller i Bayern Munich. Pastaj Përnaska ynë 6 herë në një grup me legjendën Eusebio, anglezin Jimy Grivs, baskun e famshëm Telmo Zarra, etj.. Duke lënë pas, në kuotën e pesë herëve, Krankl, Di Stefanon dhe ukrainasin Oleg Blohin.

Ne nje interviste te dhene disa kohe para se te nderronte jete “rivali” i tij ne fushe, Safet Berisha eshte shprehur se “Pernaska mund te luante ne kohen e tij me te mire ne çdo ekip te Serise A si lojtar titullar”.

Kushtet politike te Shqiperise se kohes se diktatures nuk e lejonin shperthimin e talenteve shqiptare per te luajtur jashte vendit.

Per me teper, per arsye qe sot jane absurde, ekipet tona denoheshin me te drejte nga UEFA apo FIFA, kur nuk luanin kunder skuadrave, shtetet e te cilave konsideroheshin armike per PPSH.

Imagjinoni sot sikur ne ekipin shqiptar te luanin talente si Panojot Pano, Skender Halili, Skender Jareci, Refik Resmja, Gani Merja, Ali Mema, Sabah Bizi, Iliaz Çeço, Medin Zhega, Mexhit Haxhiu, Ilir Pernaska, Vasillaq Zeri, Shyqyri Ballgjini, Sefedin Braho, Hysen Zmijani, Sulejman Demollari, Agustin Kola, Shkelqim Muça, Arben Minga e shume te tjere… Do te kishim nje kombetare te “tmerrshme”, pasi talentet nuk kane munguar…

Ilir Pernaska luajti 15 ndeshje me ekipin perfaqesues ku shenoi 5 gola. Përnaska bëri debutimin e tij me kombëtaren shqiptare më 26 maj 1971 në ndeshjen e vlefshme për kualifikueset e lojërave olimpike kundër Rumanisë. Me 14 nentor 1971 ne ndeshjen kunder Turqise ne Tirane shenon 2 gola ne fitoren 3-0. Ndeshja e fundit me perfaqesuesen e luajti ne Finlande me 2 shtator 1981..

Nuk e kam pare Loro Boriçin, as Skender Jarecin, Refik Resmen dhe as Skender Halilin… Panon e kam pare ne vitet e fundit te karrieres, Bizin e kam pare vetem kur luante me Vllaznine… Kam pare live ne te gjithe karrieren e tij lojtarin me te talentuar te futbollit shqiptar Sulejman Demollarin…por po te me pyesin per me te madhin qe kam pare ne futbollin shqiptar do te thoja menjehere: ILIR PERNASKA…

Jete te gjate Ilir Pernaskes, kampionit te madh shqiptar te golit…

p.s. Ky shkrim vjen i ripunuar nga versioni i nje viti me pare Nga Saimir Kadiu !

8 views0 comments

Shkrimet e fundit