Ndue Perlala: DALLËNDYSHE URIMI

— Dedikim komandantes time, poete Iliriana Sulkuqi, në Shkollën e Lartë Ushtarake, Tiranë —

Filloi një varg, dot se mbaroi,

më pikon malli i viteve larg, vrojtoi

qiellin, nëse ka re, ndjek dallëndyshet:

a shkojnë kaq larg?!

Ky mall filloi dhe ky guxim,

kurë dyert e shkollës i lamë

për mbrapa,

se kishim bërë të gjithë një betim:

të mbrojmë atdheun nëpër dekada.

Rrugëve të ngushta ngado ne shkuam,

busull me vete kishim betimin,

vargun e shenjtë nuk e harruam,

nëpër plansheta e bënim shkrimin.

Vitet vrapuan, jeta ndryshoi, erdhi emigrimi,

botës me u nda.

E bota u bë sa kaq e vogël:

Ju në Amerikë,

Unë këtu në Londër.

Prandaj kam luksin, kam dëshirën:

t'ju uroj më të bukurën, t'ju uroj më të mirën.

Në këtë datë të shenjtë, pa fund ju festofshi,

me njerëzit e zemrës ditëlindjet gëzofshi!

Me shumë respekt e mirënjohje

për figurën tuaj njerëzore dhe ushtarake,

shembull në jetë!