Qazim Shehu
MOTIVE MARTANESHI
1.
Legjendat ,gulshe të jetës,
Me zjarrmi, gjer sot ka pasur,
Por legjenda e shpërthimit të minave
Na asnjë gojëdhanë s`është hasur.
Ka pasur shpella të tmerrshme
Shembur nga tërmetet,
Tani në zemër të maleve
Afrohen tunelet.
Nga liqen i Ohrit, ujërat
Vijnë gjer në lagjen Peshk,
I mbështetur si mbi supe vuajtjesh
Mali kryet në diell rreshk….
Dhe pati legjenda për hakmarrje
Kafka zbuluar prej plorësh,
Tani legjendat e reja në përballje
Zbukurohen me vëllazëri minatorësh….
2
Janë ngjitur gjeologët këtej
Gurëve memecë plot shkëlqim
Kromi mbi sipërfaqe shkëlqen
Pa kërkuar mundim.
Në tëmthat e maleve të thinjura
Fryn erë e shkencës
Lëngu i bimëve në lëndina
Rrjedh në dejet e zemrës.
Dhe rrëpirave të ngushta
Ku ecnin dikur kreshnikët
Ngrihet një pyll me hekura
Të centraleve elektrikë…
Në imazhin e pishave të prera
Në rrëpirat e djegura për mizori,
Më duket se rri përhera
Meraku i Isuf Plloçit plot dhimbsuri….
3.
Kronikën e lashtë të historisë,Martanesh
E lexon në ajrin e pastër,
Në luginat e arat që fshihen kur i sheh
Sikur relievi yt lëviz me dashje….
Sa sheh një shtëpi, një kodër fsheh
Një pamje tjetër po me shtëpi,
Kur fshihet e para, tjetra del
Me të njëjtën bukuri….
+++
Erdha në shpellën e Ballem Sulltanit
Të vendos një lule,
Për ndashuri ndaj shenjëtorit
Me përkushtim përulem….
Dikur këtë shpellë, të pafetë
E synonin për tunel ushtrie,
Por shenjëtori me fuqinë e vet
Dritat në duar ua fikte….
++++
Kullë e Pashës rindërtuar
Nga Baba Hysniu fisnik,
Përballë Vendit të Bekuar
Me bardhësi ndrit.
Kur Kara Mahmuti erdhi
E u vendos këtu,
Shuplakë stuhie u bë gjethi
Ushtrinë ia përplasi kuturu…
I penduar Pashai dinak
E nisi dashin pa njeri,
Në këtë vend dashi u ndal
Vuri nën thikë qafën e tij….
+++
Kompleksi i Teqes oaz paqësor
Fton këtu për të kuptuar
Edhe nëse ke ndonjë mendim djallëzor
Para portës së këtij Vendi duhet prapësuar…
++++
Baba Hysen Mali themeltar
Dhe i madhi Baba Jashar,
E bëjnë këtë vend behar
Edhe në janar…
Fort të Ndritshmit Baballarë
Baba Selim,Baba Hajdar,
Në zemra njerëzish mbollën ar
Me ashk të zemrës-qelibar.
+++
Sot i kujtoj të gjithë ata
Myhibë, besimtarë e dorli,
Që ngritën këtë Vend sa më lart
Dhe Vendi u jep shëndet e dashuri…