top of page

MOLLA E KUQE


MOLLA E KUQE

 

Molla e Kuqe diku larg ka mbetur,

Dhe dora e saj më s’e ka vjelë,

Nëpër stinë trupi i saj është mekur,

Se llastarë të rinj më nuk ka pjellë.

 

Plisat  e bardhë peng  e kanë pasur,

Dhe e kanë  në ëndrra e makthe sot,

Sa dimra e shtërngata janë përplasur,

Mollën ata nga koka s'e heqin dot.

 

Dhe  pelini i saj  n‘gojë u  ka ngecur,

E shijojnë idhësinë e saj me gjëmë,

Trungedegëkëputura pa shenjë tretur,

Kujëzeza  kujis sot ende në lëmë.

 

Ec e ec e ec n’borë plot mundime,

N’orteqe, n’furtuna e  n’errësirë,

Me vete kanë marrë një trastë kujtime,

Dhe plisbardhin n’kokë  me emrin muhaxhir.

34 views0 comments

Kommentare


Shkrimet e fundit

fjalaelireloadinggif.gif
bottom of page