MEVLUD BUCI
DIBRA –LURA BAJRAKË TË LIRISË
Drinin e lashtë e pyesin valët,
Ku i kemi të Nantë Malet,
Thotë Korabi e dëshmoj sak
Janë Natë Male një Bajrak.
Moj nanë loke me djep prej druri
Ke përkund djem të trimnisë,
Të Nantë Malet shqipe flamuri
Dibra e Lura bajrakë të lirisë.
Rrit në beteja,gdhend në libra
Krahpërkrah Lura e Dibra,
Tokë e Gjergjit la me gjak,
Janë Nantë Malet e një Bajrak.
Bash me bij të grykëhollës
Janë lurianët e Dom Nikollës,
Mal e kanë triminë e fjalët
Në Dibrën trime të Nantë Malet.
Do t`i marr bekimin gurit,
Do t`i marr flakën barotit,
Zakushtrim trima të flamurit,
Dibra e Lura të Kastriotit.
DRADANËT KRENARË
Pyet Argjiroja kush janë luanët,
Në troje të Arbrit janë dardanët,
Në kohëra përballë historisë,
Burra-gra bij të Dardanisë.
Përjetë qëndruan kala
Vra e pre me turk e shkja,
Za kushtrim,za i lirisë
Piskamë në mejdan të triminisë.
Ku gjen plis njomur prej gjakut,
Në Dardani në ballë të konakut,
E thonë luginat,dielli, reja,
Dardanët lindur për beteja.
Kullat gdhendën historinë
Si kështjella për Dardaninë,
Balada shkroi lisi e guri,
Me këta trima,bij flamuri.
Prej kësaj toke gjak buron dheu
Prej DARDANËVE-NIPA Skënderbeu,
Lum ç`leu nana e fisnikëria
Në shekuj rron Dradania.
Këtu historia me pushkë foli
Në grykë të topit Mic Sokoli,
Fjalëmençuri si historia
Ante i trimërisë-Binak Alia.
Lindi nana bij stërrall guri
Trim i rrallë Bajram Curri,
Dhe sa trima atdhetarë
Me kryeheroin Adem Jasharin…
BYTYÇ I LASHTË
Bytyç o tokë e lashtë
Tokë e trimërisë,
Bytyç dritëpërflakur
Me dritë të Dardanisë.
Tokë e lashtë e Dardanisë
Je në altarin e kohës,
Vend i rrallë i bujarisë
Dheu i shenjtë i Gjakovës.
Dheu i shenjtë i Gjakovë
Dheu dardan nga ke ardhë,
Je rrezatim i kohës
20 vjet “Festa e Plisit të Bardhë”.
20 vjet”Festa e Plisit të Bardhë”
Me breza plot atdhetari,
Tokë dardane-tokë kala
Rrite djem për shqiptari.
MARATONOMAK DRITE
Emiliano Lules, i cili më 1997, kur ishte fëmijë u godit në sy nga shpërthimi i një granate. Pa dritën e syve vazhdoi shkollën e lartë, mbaroi Fakultetin e Inxhinierisë mori Medalje Ari dhe sot është drejtor i Institutit të të Verbërve.
Djalosh shpirtvullkan ,lushnjar,
Me sytë e shpirtit çau ballëkrenar,
U ngrite lart, kurrë nuk u përkule
O i shtrenjti Emiljano Lule.
Mbarove fakultet,specializimin me zotësi,
Me sytë e mendjes,pa dritë në sy,
E sot u prin atyre të verbuar,
Drejtor Instituti mendjendriçuar.
O zëlirie e dritëbajrak,
O i urti i dijes,maratonomak,
Pa dritën e syve-korife lushnjari
Në shkallët e dijes me Medalje Ari.
Me shpirtin vullkan me forcë sublime
Me sytë e mendjes bardhësi në agime..
NËSE KE MALL
Emigrantëve
Nëse ke mall, mos harro djepin,
Kujto dheun, barin,
Mos harro lisin,shkrepin,
Kujto dele e manarin.
Nëse ke mall, kujto flladin gurrën
Puthe diellin hënën,
Kurrë mos e harro kullën,
Mos përthaj lotin për babën e nënën.
Nëse ke mall kujto pyje,ara,
Shpirtin bëje qiri,
Kujto si mbillet fara,
Ninullat plot dashuri.
Nëse ke mall kujto ti votrën
Kujto gjethin e lisin,
Kujto vëllanë e motrën
Gjakun tënd –fisin.
Nëse ke mall, hamendëso majat,
Kujto bokë e shtigje,
Dhe mos harro thepajat,
Gryka,lugina,brigje.
Nëse ke mall, kujto thërrimet,
Dhimbjet kujto,brengën,
Mos harro të bukurat kujtime
Valet,vajet,këngët.
Nëse ke mall, si prushi ndiz shpresën,
Lot të pikojnë sytë,
Për trojet mall ke besën,
Me shpirt ndizi dashuritë.
Nëse ke mall blero shpirtin e lirë
Zemrën ta kesh dritë si behar në zall
Në udhë të jetës të jesh xhevahir
Nëse ke mall…
